វជិរាលង្ករណ៍

ព្រះបាទសម្ដេចព្រះបរមេន្ទ្ររាមាធិបតីស្រីសិន្ទ្រមហាវជិរាលង្ករណ ព្រះវជិរក្លៅចៅយូហួ ឬ រាមាទី១០ (ថៃ៖ พระบาทสมเด็จพระปรเมนทรรามาธิบดีศรีสินทรมหาวชิราลงกรณฯ พระวชิรเกล้าเจ้าอยู่หัว, អង់គ្លេស: Phrabat Somdet Phra Vajira Klao Chao Yu Hua, អានថា៖ “ប្រាក់បាតស៊ុមដេត ប្រាក់ប៉ះរ៉ាក់មេនថារ៉ាក់រ៉ាម៉ាធិបឌីស៊ីស៊ីនម៉ាក់ហាវ៉ាក់ឈិរ៉ាលុងកន ប្រាក់វ៉ាក់ឈិរ៉ាក់ក្លៅចៅយូហួ”)^[៣] ជាព្រះមហាក្សត្រនៃព្រះរាជាណាចក្រថៃ រជ្ជកាលទី ១០ នៃរាជវង្សចក្រី ឡើងសោយរាជ្យសម្បត្តិនៅថ្ងៃទី ១៣ តុលា ២០១៦ រហូតមកដល់បច្ចុប្បន្ន មានព្រះរាជពិធីរាជាភិសេកជាផ្លូវការនៅថ្ងៃទី ៤ ឧសភា ២០១៩ ។ ព្រះអង្គប្រសូតនៅថ្ងៃទី ២៨ កក្កដា ១៩៥២ នៅទីក្រុងបាងកក ជាព្រះរាជបុត្រាទី ២ នៃព្រះបាទសម្តេចព្រះបរអជនកាឌិបេស្រ មហាភូមិពលអតុល្យតេជមហារាជ បរមនាថបពិត្រ និង សម្តេចព្រះនាងចៅសិរិកិតិ៍ ព្រះបរមរាជិនីនាថ ព្រះបរមរាជជន្នីផាន់ពីហ្លួង។ ព្រះអង្គមានព្រះជេដ្ឋភគនីឬបងស្រី ១ ព្រះអង្គ គឺ ព្រះអង្គម្ចាស់ក្សត្រីឧប្បលរ័តន៍ (ទូលក្រមុំឧប្បលរត្តនរាជកញ្ញាសិរិវឌ្ឍនាពណ៌វត្តី) និងព្រះកនិដ្ឋភគនីឬប្អូនស្រី ២ ព្រះអង្គ គឺ៖ ព្រះអង្គម្ចាស់ក្សត្រីមហាចក្រីស៊ិរិនថន (សម្ដេចព្រះកនិសដ្ឋាធិរាជចៅ ក្រុមសម្ដេចព្រះទេពរត្តនរាជសុតា។ ស្យាមបរមរាជកុមារី) និង ព្រះអង្គម្ចាស់ក្សត្រីជុឡាផន(សម្ដេចព្រះចៅណងនាងធើ ចៅហ្វាចុឡាភរណវល័យ្យលក្សន អគ្គរាជកុមារី ក្រុមព្រះស្រីស្វាង្គវឌ្ឍន វរខត្តិយរាជនារី)

វជិរាលង្ករណ วชิราลงกรณ
រជ្ជកាលទី ១០ (ព្រះរាម ទី ១០)
ព្រះមហាក្សត្រនៃព្រះរាជអាណាចក្រថៃ
រជ្ជកាល	១៣ តុលា ២០១៦ – បច្ចុប្បន្ន[lower-alpha ១]
រាជាភិសេក	៤ ឧសភា ២០១៩
អង្គមុន	ព្រះបាទសម្ដេចព្រះបរមិន្ទ្រមហាភូមិពលអតុល្យតេជ (ព្រះរាមទី ៩)
រជ្ជទាយាទ	ព្រះចៅឡានធើ ព្រះអង្គចៅទីប៉័ង្កររស្មីជោតិ
ស្យាមមកុដរាជកុមារ
តំណែង	២៨ ធ្នូ ១៩៧២ – ១៣ តុលា ២០១៦
អង្គមុន	ព្រះបាទសម្ដេចព្រះមង្កុដក្លៅចៅយូហួ
ប្រសូត	(1952-07-28) 28 កក្កដា 1952 (អាយុ 72) បាងកក, ថៃ
រាជពន្ធភាព	ព្រះចៅវរវង្សធើ ព្រះអង្គម្ចាស់សោមសវលី ព្រះវររាជាទិនត្តាមាតុ( ១៩៧៧ - ១៩៩១) យុវធិតា ផលប្រៈស្រើដ្ឋ (១៩៩៤–១៩៩៦) ស្រីរ័ស្មិ៍ សុវតី (២០០១–២០១៤) សម្ដេចព្រះនាងចៅសុទិតា ពផ្រសុធាពិមល្លក្សណ ព្រះបរមរាជិនី(២០១៩) ស៊ីនីនាថ ពិលាសកល្យាណី(២០១៩)
រាជបច្ឆាញាតិ	ព្រះរាជឱរសព្រះរាជធីតាត្រឹមត្រូវតាមច្បាប់៖ ព្រះចៅឡានធើ ព្រះអង្គចៅព័ជ្រកិតិ្តយាភា ព្រះចៅឡានធើ ព្រះអង្គចៅសិរិវណ្ណវរីនារីរ័តន ព្រះចៅឡានធើ ព្រះអង្គចៅទីប៉័ង្កររស្មីជោតិ ព្រះរាជឱរសក្រៅខាន់ស្លា៖ ចុឌាវ័ជ្រ វិវ័ជ្រវង្ស វ័ជ្រេឝ្រ វិវ័ជរវង្ស ចក្រីវ័ជ្រ វិវ័ជ្រវង្ស វ័ជ្រវីរ៍ វិវ័ជ្រវង្ស
វង្ស	រាជសកុលមហិតល (រាជវង្សចក្រី)
បិតា	ព្រះបាទសម្ដេចព្រះបរមិន្ទ្រមហាភូមិពលអតុល្យតេជ (ព្រះរាមទី ៩)
មាតា	សម្ដេចព្រះនាងចៅសិរិកិត្តិ៍ ព្រះបរមរាជិនីនាថ
សាសនា	ពុទ្ធសាសនាថេរវាទ
ព្រះហត្ថលេខា

ព្រះបរមេនថររាមាធិបតីស៊ីស៊ីនមហាវជិរ៉ាលុងកនព្រះវជិរក្លៅចៅយូហួ.

មុន​ពេល​ឡើង​សោយរាជ្យ ស្តេចរាមាទី១០បាន​បម្រើ​ក្នុង​ជួរ​យោធា​ថៃ និង​កាន់​តំណែង​ធំផ្សេងៗក្នុងរដ្ឋាភិបាល។ ព្រះអង្គត្រូវបានគេស្គាល់ផងដែរសម្រាប់ការចាប់អារម្មណ៍របស់លោកនៅក្នុងអាកាសចរណ៍និងអ្នកបើកបរយន្តហោះ។ ចាប់តាំងពីឡើងសោយរាជ្យមក ស្តេចរាមាទី១០បានបំពេញមុខងារក្នុងពិធីផ្សេងៗ រួមទាំងជាអធិបតីក្នុងព្រឹត្តិការណ៍សំខាន់ៗរបស់រដ្ឋ និងផ្តល់ការចូលទស្សនាដល់ឥស្សរជនបរទេស។ ព្រះអង្គក៏បានអនុវត្តគំនិតផ្តួចផ្តើមមួយចំនួនដើម្បីគាំទ្រប្រជាជនថៃ រួមទាំងការលើកកម្ពស់សុខភាពសាធារណៈ ការអប់រំ និងការអភិរក្សបរិស្ថាន។

ជ្រើសតាំងសោយរាជ្យ

ព្រះបរមេនថររាមាធិបតីស៊ីស៊ីនមហាវជិរ៉ាលុងកនព្រះវជិរក្លៅចៅយូហួ.

រដ្ឋសភាជាតិថៃ នៅព្រឹកថ្ងៃអង្គារ ទី២៩ ខែវិច្ឆិកា ឆ្នាំ២០១៦ នេះ បានប្រកាសទទួលស្គាល់ សេចក្ដីអនុម័ត របស់ គណៈរដ្ឋមន្ត្រីថៃ ក្នុងការអញ្ជើញរជ្ជទាយាទថៃ សម្ដេចព្រះបរមឱរសាធិរាជ ចៅហ្វាមហាវជិរាលង្ករណ ស្យាមមកុដរាជកុមារ ដែលជាព្រះរាជបុត្រា តែមួយអង្គគត់ របស់អតីត ព្រះបាទ ភូមិពលអតុល្យតេជ ឲ្យឡើងគ្រងរាជ្យ បន្តអំពីព្រះរាជបិតា ជាព្រះមហាក្សត្រិយ៍ ថៃរជ្ជកាលទី១០ ឬរាមាទី១០។បន្ទាប់ពីប្រធានរដ្ឋសភា ប្រកាសទូលអញ្ជើញព្រះមហាក្សត្រិយ៍ថ្មី ឲ្យឡើងស្នងរាជ្យហើយ បណ្ដាសមាជិកសភាទាំងអស់ ក៏នាំគ្នាក្រោកឈរឡើង តាមការស្នើសុំរបស់ប្រធានរដ្ឋសភា។

សម្ដេចព្រះបរមឱរសាធិរាជ ចៅហ្វាមហាវជិរាលង្ករណ ស្យាមមកុដរាជកុមារ ដែលជាព្រះរជ្ជទាយាទ ទ្រង់បានព្រះរាជទានវរោកាស យាងជួបជាមួយ ប្រធានសភាថៃ នាវេលាម៉ោង ៦:៣០នាទីល្ងាច ថ្ងៃព្រហស្បតិ៍នេះ ដោយទ្រង់បានទទួលយក ជាផ្លូវការ នូវការយាងឡើងគ្រង រាជ្យសម្បត្តិ ទៅតាមការសម្រេច របស់អង្គសភាថៃ។ សម្រាប់ពិធីនៅល្ងាចនេះ ក៏មានវត្តមានផងដែរ ពីលោកឧត្តមសេនីយ៍ «ប្រេម តិណសូលានន្ទ៍» អ្នកសម្រេចរាជការជំនួសព្រះអង្គ និង លោក «ប្រៈយុទ្ធ៍ ច័ន្ទ្រ៍ឱជា» ជានាយករដ្ឋមន្ត្រី ព្រមទាំង លោក «វីរៈពល ត័ងសុវណ៌» ប្រធានតុលាការកំពូល ចូលរួមចាត់ចែង កិច្ចការផ្សេងៗ ហើយអំឡុងពេលនោះ លោក «ពរពេជ្រ វិជិត ជលជ័យ» ប្រធានសភានីតិបញ្ញត្តិជាតិ បានទូលយាងអញ្ជើញព្រះអង្គ ដើម្បីប្រកាសពី ការឡើងគ្រងរាជ្យសម្បត្តិ តែម្តង។

បន្ទាប់ពីប្រធានរដ្ឋសភាជាតិថៃ អានប្រកាសក្រាបបង្គំ ទូលអញ្ជើញអង្គរជ្ជទាយាទ ឲ្យឡើងគ្រងរាជ្យជា ព្រះមហាក្សត្រិយ៍ បន្តរាជសន្តតិវង្សរួចមក អង្គរជ្ជទាយាទទ្រង់ក៏មាន ព្រះរាជតម្រាស់ ទទួលយល់ព្រម ឡើងគ្រងរាជ្យ ដោយមានព្រះរាជឱង្ការ នូវព្រះបន្ទូលសូរសីហនាទ ថា «ខ្ញុំសូមតបទទួល ដើម្បីស្នងព្រះរាជបណិធាន និង ដើម្បីប្រយោជន៍ របស់ប្រជាជនថៃទាំងពួង»។

បន្ទាប់មក សម្ដេចព្រះចៅយូហួថ្មី រជ្ជកាលទី១០ ឬ រាមាទី១០ ទ្រង់ក្រាបបង្គំ ព្រះបរមឆាយាលក្សណ៍ ព្រះបរមរាជជនកនាថ និង ព្រះបរមជននីនៃព្រះអង្គ ព្រមថ្វាយរាជសក្ការៈ ចប់ស្រេចជា ព្រះមហាក្សត្រិយ៍អង្គថ្មី របស់ព្រះនគរថៃ។

សម្រាប់ព្រះមហាក្សត្រិយ៍អង្គថ្មី នៃនគរថៃនេះ ទ្រង់មានព្រះបរមាភិធេយ្យជា «សម្ដេចព្រះចៅយូហួ មហាវជិរាលង្ករណ បតិន្ទ្រទេព្យវរាង្កូរ»។

ទោះបីជាពិធីអញ្ជើញព្រះអង្គ ឡើងគ្រងរាជ្យជាផ្លូវការ នៅថ្ងៃនេះក្ដី តាមបូរាណរាជបវេណីថៃ ការរាប់រជ្ជកាលថ្មី គឺរជ្ជកាលទី១០នេះ ត្រូវរាប់ឡើងបន្តពី ថ្ងៃសុវណ្ណគត នៃអង្គព្រះមហាក្សត្រិយ៍មុន គឺថ្ងៃទី១៣ ខែតុលា ឆ្នាំ២០១៦ មក ដោយមិនឲ្យមាន ថ្ងៃចន្លោះរជ្ជកាលនោះទេ៕

ព្រះអគ្គមហេសី - ព្រះមហេសី និង ព្រះស្នំ

ព្រះបរមេនថររាមាធិបតីស៊ីស៊ីនមហាវជិរ៉ាលុងកនព្រះវជិរក្លៅចៅយូហួ - សម្តេចព្រះនាងចៅសុទិតា ព័ជ្រសុធាពិមលលក្សន ព្រះបរមរាជិនី ព្រះរាជពិធីច្រត់ព្រះនង្គ័ល .

ព្រះអង្គទ្រង់រៀបអភិសេកនិងមានព្រះមហេសី ៤ និង ព្រះស្នំ ១ ព្រះអង្គ និងព្រះរាជបុត្រា - បុត្រី ចំនួន ៨ ព្រះអង្គ (សុគតក្នុងផ្ទៃ ១ ព្រះអង្គ) រួមមាន៖

ព្រះអគ្គមហេសី និង ព្រះស្នំ
	ព្រះចៅវរវង្សធើ ព្រះអង្គម្ចាស់សោមសវលី ក្រុមមុឺនសុធនារីនាថ (ប្រសូតថ្ងៃទី ១៣ កក្កដា ១៩៥៧) [៤][៥] [៦]	រៀបអភិសេកនៅថ្ងៃទី ៣ មករា ១៩៧៧ មានព្រះបុត្រានិងព្រះបុត្រី ២ ព្រះអង្គ គឺ៖ ១. សុគតក្នុងផ្ទៃពេលមានព្រះជន្ម ៤ ខែ ២. ព្រះអង្គម្ចាស់ក្រត្រីផ័ទ្ជរៈគិទិយ៉ាផា (ប្រសូតថ្ងៃទី ៧ ធ្នូ ១៩៧៨)
	ព្រះមហេសីទី ២ ៖ ស្នំឯក ស៊ុចារិនី វិវជ្ជររង្ស (ប្រសូតថ្ងៃទី ២៦ ឧសភា ១៩៦២) [៧]	រៀបអភិសេកនៅខែ កុម្ភៈ ១៩៩៤ មានព្រះបុត្រា ៤ ព្រះអង្គនិងព្រះបុត្រី ១ ព្រះអង្គ គឺ៖ ១.ព្រះអង្គម្ចាស់ ជុថាវ៉ាត់ វិវជ្ជររង្ស (ប្រសូតថ្ងៃទី ២៩ សីហា ១៩៧៩) ២.ព្រះអង្គម្ចាស់វ័ជ្ជររេត វិវជ្ជររង្ស (ប្រសូតថ្ងៃទី ២៧ ឧសភា ១៩៨១) ៣.ព្រះអង្គម្ចាស់ចគ្រីវ៉ាត់ វិវជ្ជររង្ស (ប្រសូតថ្ងៃទី ២៦ កុម្ភៈ ១៩៨៣) ៤.ព្រះអង្គម្ចាស់វ័ជ្ជរវី វិវជ្ជររង្ស (ប្រសូតថ្ងៃទី ១៤ មិថុនា ១៩៨៥) ៥.ព្រះនាងម្ចាស់ ស៊ិរិវ៉ាន់វ៉ារី ណារីរ៉ាត់ (ប្រសូតថ្ងៃទី ៨ មករា ១៩៨៧)
	ព្រះមហេសីទី ៣ ៖ ព្រះចៅវរវង្សធើ ព្រះអង្គចៅស្រីរស្មី ព្រះវរជាយា (ប្រសូតថ្ងៃទី ៩ ធ្នូ ១៩៧១) .[៨]	រៀបអភិសេកនៅថ្ងៃទី ១០ កុម្ភៈ ២០០១ មានព្រះបុត្រា ១ ព្រះអង្គ គឺ៖ ១. ព្រះអង្គម្ចាស់ធីប៉័ងកនរ៉ាត់ស្មីឆូត (ប្រសូតថ្ងៃទី ២៩ មេសា ២០០៥)
	ព្រះមហេសីទី ៤ ៖ សម្តេចព្រះនាងចៅសុទិតា ព័ជ្រសុធាពិមលលក្សន ព្រះបរមរាជិនី (ប្រសូតថ្ងៃទី ៣ មិថុនា ១៩៧៨) [៩]	រៀបអភិសេកនៅថ្ងៃទី ១ ឧសភា ២០១៩ មិនទាន់មានព្រះរាជបុត្រ។
	ព្រះស្នំ ៥ ៖ ស៊ីនីនាថ ពិលាសកល្យាណី (ប្រសូតថ្ងៃទី ២៦ មករា ១៩៨៥). [១០]	រៀបអភិសេកនៅថ្ងៃទី ២៨ កក្កដា ២០១៩ មិនទាន់មានព្រះរាជបុត្រ។

ព្រះរាជឥស្សរិយយស

Tenure	ភាសាថៃ	រូបឣក្សរខ្មែរ
28 កក្កដា 1952 — 28 ធ្នូ 1972	สมเด็จพระเจ้าลูกยาเธอ เจ้าฟ้าวชิราลงกรณ บรมจักรยาดิศรสันตติวงศ เทเวศรธำรงสุบริบาล อภิคุณูปการมหิตลาดุลเดช ภูมิพลนเรศวรางกูร กิตติสิริสมบูรณสวางควัฒน์ บรมขัตติยราชกุมาร	សម្ដេចព្រះចៅលូកយ៉ាធើ ចៅហ្វាវជិរាលង្ករណ បរមចក្រយាតិឝរសន្តតិវង្ស ទេវេឝ្រធាំរងសុបរិបាល អភិគុណូបការមហិតលាតុលតេជ ភូមិពលនរេឝវរាង្កូរ កិត្តិសិរិសម្បូរណស្វាង្គវឌ្ឍន បរមខត្តិយរាជកុមារ
28 ធ្នូ 1972 — 13 តុលា 2016	สมเด็จพระบรมโอรสาธิราช เจ้าฟ้ามหาวชิราลงกรณ บดินทรเทพยวรางกูร สิริกิตยสมบูรณสวางควัฒน์ วรขัตติยราชสันตติวงศ์ มหิตลพงศอดุลยเดช จักรีนเรศยุพราชวิสุทธิ สยามมกุฎราชกุมาร	សម្ដេចព្រះបរមឱរសាធិរាជ ចៅហ្វាមហាវជិរាលង្ករណ បតិន្ទ្រទេព្យវរាង្កូរ សិរិកិត្យសម្បូរណស្វាង្គវឌ្ឍន វរខត្តិយរាជសន្តតិវង្ស មហិតលពង្សអតុល្យតេជ ចក្រីនរេឝយុពរាជវិសុទ្ធិ ស្យាមមកុដរាជកុមារ
13 តុលា 2016 — 4 ឧសភា 2019	สมเด็จพระเจ้าอยู่หัวมหาวชิราลงกรณ บดินทรเทพยวรางกูร	សម្ដេចព្រះចៅយូហួមហាវជិរាលង្ករណ បតិន្ទ្រទេព្យវរាង្កូរ
4 ឧសភា - បច្ចុបន	พระบาทสมเด็จพระปรเมนทรรามาธิบดีศรีสินทรมหาวชิราลงกรณ มหิศรภูมิพลราชวรางกูร กิติสิริสมบูรณอดุลยเดช สยามินทราธิเบศรราชวโรดม บรมนาถบพิตร พระวชิรเกล้าเจ้าอยู่หัว	ព្រះបាទសម្ដេចព្រះបរមេន្ទ្ររាមាធិបតីស្រីសិន្ទ្រមហាវជិរាលង្ករណ មហិសរភូមិពលរាជវរាង្កូរ កិតិសិរិសម្បូរណអតុល្យតេជ ស្យាមិន្ទ្រាធិបេស្ររាជវរោត្តម បរមនាចបពិត្រ ព្រះវជិរក្លៅចៅយ៉ូហួ

ព្រះរាជសញ្ញលក្ខណ៍

• 
  អក្សរកាត់ព្រះបរមាភិធេយ្យប្រចាំព្រះអង្គ
• 
  អក្សរកាត់ព្រះបរមាភិធេយ្យប្រចាំព្រះអង្គ (សម័យមកុដរាជកុមារ)
• ទង់ប្រចាំព្រះអង្គ
  ទង់ប្រចាំព្រះអង្គ
• 
  ទង់ប្រចាំព្រះអង្គ (សម័យមកុដរាជកុមារ)

ឯកសារយោង