Попов Владимир Александрович
From Wikipedia, the free encyclopedia
Remove ads
Шаблон:Серпасыс абу
Попов Владимир Александрович (1934—1995) — коми гижысь, вуджӧдчысь.
Remove ads
Олан туй
Владимир Попов чужӧма 1934-ӧд вося тӧвшӧр тӧлысь 1-ӧд лунӧ Коми асшӧр обласьтса Изьва сиктын. Батьыс вӧлӧма ветеринар-врачӧн, мамыс — велӧдысьӧн. 1951-ӧд воын шӧр школа помалӧм бӧрын уджалӧма Железнодорожнӧй районса «Стахановец» газетын. Недыр велӧдчыштӧма Ленинградын коми национальнӧй студияын, Коми республикаса радиокомитетын. 1960-ӧд воын помалӧма А.М. Горький нима Литература институт. 1964-ӧд восянь В. А. Попов уджалӧ Коми небӧг лэдзанінын редакторӧн. Вӧлӧма «Войвыв кодзув» журналын шӧр редакторӧн. Кулӧма 1995-ӧд вося урасьӧм тӧлысь 7-ӧд лунӧ.
Remove ads
Гижан удж
1951 воын «Войвыв кодзув» журналын петӧ «Москва» медводдза кывбур.
Владимир Попов уджалӧма поэма жанрын. Гижӧма «Сьылісны бабаяс, сьылісны» (1963), «Педӧр Кирон» (1979) да «Мамӧлӧн югыдыс» (1984) поэмаяс.
Сійӧ гижӧ сідзжӧ челядьлы лыддьӧм вылӧ: «Катер» (1967) да «Медаль» (1969) висьтъяс, «Как терялась Марина» (1976).
В.А. Попов тӧдса и кыдзи вуджӧдчысь. Комиӧдӧма Александр Пушкинлысь, Михаил Лермонтовлысь, Сергей Есенинлысь, Шандор Петефилысь кывбуръяссӧ, а сідзжӧ ӧнія кадся роч да финн-йӧгра поэтъясӧс (А. Гидаш, А. Тот, Й. Фодор, А. Долдина, Н. Кутов, А. Романов, В. Вьюхин).
1969 воын «Чуксасьӧны вояс» да «Когда на Севере весна» кывбур чукӧръясысь сылы сетісны Коми комсомоллысь премия.
Remove ads
Небӧгъяс
Комиӧн
- Тувсов йӧлӧга: кывбуръяс / Ред. С. Морозов; серпасаліс А.Н. Безумов. — Сыктывкар, 1960. — 46 л.б.
- Бара аддзысим: кывбуръяс / Ред. С. Морозов; серпасаліс М.П. Безносов. — Сыктывкар, 1964. — 79 л.б.
- Катер: висьтъяс / Серпасаліс М.П. Безносов. — Сыктывкар, 1967. — 27 л.б.
- Чуксасьӧны вояс: кывбур чукӧр / Ред. С. Морозов; Серпасаліс М.П. Безносов. — Сыктывкар, 1968. — 95 л.б.
- И бара лун: кывбуръяс / Ред. С.М. Морозов; Серпасаліс В. И. Краев. — Сыктывкар, 1974. — 79 л.б.
- Бӧрйӧм кывбуръяс, поэма, комиӧдӧмъяс / Ред. Г. А. Юшков; серпасаліс А. В. Мошев. — Сыктывкар, 1979. — 174 л.б.
- Гы бӧрся гы: кывбуръяс, поэмаяс, комиӧдӧмъяс / Ред. А.В. Некрасов; серпасаліс С.А. Добряков. — Сыктывкар, 1984. — 158 л.б.
- Вояс ылын и матын: кывбуpъяс, поэмаяс, сьыланкывъяс / Ред. А.В. Тентюков; серпасаліc В.И. Краев. — Сыктывкар, 1993. — 95 л.б.
- Печора юӧй, гыаланӧй, мамӧй...: кывбуръяс, поэмаяс, вуджӧдӧмъяс / Ред. А.В. Тентюков; лӧсьӧдіс В. В. Тимин. — Сыктывкар: Коми небӧг лэдзанін, 2001. — 286 л.б.
- Чужанінӧй менам: кывбуръяс. — Сыктывкар, 2019. —
Рочӧн
- Когда на Севере весна: стихи / Ред. Д.А. Смирнов; худож. Е.В. Ракузин. — Москва: Советская Россия, 1967. — 64 с.
- Медаль: рассказ / Пер. с коми Н.А. Емельяновой; художник А.В. Мошев. — Сыктывкар, 1969. — 12 с.
- Моё лето: [стихотворения]. — Сыктывкар, 1970. — 79 с.
- Как терялась Марина: рассказы / Художник А.М. Гаранин. — Сыктывкар, 1976. — 24 с.
- Лебединая родина: стихи / Пер. с коми А. Зайца, В. Фирсова; Художник Б. Страхов. — Москва: Советский писатель, 1981. — 94 с.
Наградаяс
- Коми АССР-са культураын нимӧдана уджалысь (1982)
Ӧшмӧсъяс
Ыстӧдъяс
Wikiwand - on
Seamless Wikipedia browsing. On steroids.
Remove ads