From Wikipedia, the free encyclopedia
Ulmus inter Gisortium et Tretum virebat usue ad diem fere 18 Augusti 1188; eo die iussu regis Franciae Philippi II arborem succisus est.
Fines Normanniae ducatús, regibus Angliae tributarii, et regni Franciae inter castella Gisortium et Tretum describebantur, facilia accessu omnibus qui a Rothomago aut a Lutetia proficiscebantur. Ibi ulmus antiqua et pulcherrima virens umbram iter facientibus gratam praebebat "ubi colloquia haberi solebant inter reges Franciae et duces Normanniae".[1] Rex Henricus II multoties ibi regibus Franciae Ludovico VII filioque Philippo II concurrebat. Philippo nuper ad regnum accessum foedus ibi die 28 Iunii 1180 sancitum est, adstantibus cardinale Petro de Sancto Chrysogono et Ricardo episcopo Wintoniensi.
Ibi convenerunt die 16 Augusti 1188 reges Philippus II et Henricus II, cui adsistebat Guillelmus Marescallus. "Com inter illos de pace facienda non potuisset convenire," ita breviter narrat Rogerius de Hoveden, "rex Franciae in iram et indignationem commotus ulmum ... succidit, iurans quod de caetero nunquam ibi colloquia haberentur."[2] Haud aliter Radulphus de Diceto refert: "Tandem habitum est inter reges colloquium inter Gisortium et Tryam xvii. kal. Septembris, quod per triduum protractum est. Cum autem ab invicem recessissent discordes, rex Francorum arborem quandam Gisortio vicinantem, sed intra fines Franciae radicatam, praecepit incidi."[3] Longius autem fontes Francogallici explicant, et praecipue Guillelmus Brito regis historicus.
Idem auctor in carmine suo Philippide provocationem a rege Anglico Henrico II enuntiatam refert:
Vates autem carminis historici Histoire de Guillaume le Maréchal, qui e narratione Ioannis de Erleia, scutarii eodem marescallo, opus suum composuit, arborem nolente rege Philippo succisum asseverat: "Inde rex Franciae et gens sua irati abierunt. Extra urbem fuit ulmus rotundus virens pulchra eoque tempore deliciosa. Isti dementes in fragmentis exciderunt virtutemque suam ita monstraverunt. Rex Franciae quando scivit valde lamentavit ... 'An hic veni macellarius?'"[6][t 1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.