Acari

Acari, vel Acarina, sunt taxon arachnidorum quod acariformes et parasitiformes continet. Diversitas Acarorum est extraordinaria, et eius historia fossilis saltem ad aevum Devonianum primum attingit. ^[1] Acarologi ergo ad acaros describendos multiplices graduum taxinomicorum rationes proposuerunt. In pluribus tractationibus hodiernis, acari putantur subclassis Arachnidorum, quae constat e duobus aut tribus superordinibus vel ordinibus: Acariformes (vel Actinotrichida), Parasitiformes (vel Anactinotrichida), et Opilioacariformes; hic saepe putatur subgrex intra Parasitiformes. Eruditi de monophyletismo acarorum disputant, coniunctionesque acarinorum et aliorum arachnidorum non dum intelleguntur.^[2]

Tuckerella sp., coloribus falsis visa per microscopium scanning electron, magnificata 260×

---

Animalia — Arthropoda

Subphylum : Chelicerata 
Classis : Arachnida 
Subclassis : Acari 
Leach, 1817

   

Palaeontologia

419–0 m.a.: Devonium inferius > Recens

pЄ

Є

O

S

D

C

P

T

I

K

pg

n

Subdivisiones: Superordines

* Acariformes

• Parasitiformes

Acariformis corpore molle familiae Argasidarum, prope ova quae nuperrime posuit.

Aceria anthocoptes (magnitudo: 50 micrometra).

Acariformis mas (magnitudo: 2 mm).

Acariformis non agnitus super folium plantae. Imago microscopica..

Taxinomia

Phylogenia acarorum iam disputatur, et nonnullae rationes taxinomicae ad eos describendos propositae sunt. Tertia edito A Manual of Acarology libri normativi (2009) ratione ordinum sex utitur, in tres superordines dispositorum:^[3]

• Superordo Opilioacariformes
• Superordo Parasitiformes
  • Holothyrida
  • Ixodida
  • Mesostigmata
    • Trigynaspida
    • Monogynaspida
• Superordo Acariformes, grex magnopere varians
  • Trombidiformes
    • Sphaerolichida
    • Prostigmata
  • Sarcoptiformes
    • Oribatida
    • Astigmata