Carpates

Carpates^[1] seu Carpathes^[2], seu Carpati^[3], aliter montes Sarmatici^[4], sunt montes in Europa Media australi et orientali siti. Arcum 1300 km longum et a 100 ad 350 km latum occupant, qui ad occidentem aperitur, civitates Cechiam, Slovaciam, Poloniam, Ucrainam, Hungariam, Romaniam, et Serbiam attingentes; Transcarpathiam regionem circumcingunt.

Despectus in Carpates.

Multa sunt iuga Carpatica; partes Carpatum principales sunt:

• Tatri^[5], in Slovacia et Polonia; in iugo Tatrorum altissimo, quod Tatri Alti nuncupatur, Gerlachovský štít (i.e. Scutum Gerlachiae) est Carpatum summus mons, qui altitudinem 2655 m praebet;
• Biesscidii^[6], in Cechia, Slovacia et Polonia;
• Carpates Albi^[7], in confinio Cechiae et Slovaciae;
• Nivium montes^[8], qui et Alpes Transsilvanicae, in Dacoromania;

etc.