Dacca

Dacca^[1][2] seu Daca^[3] (Bengalice ঢাকা Ḍhākā), per tempus Mughal Jahangirnagar^[4] appellata, est caput Bangladeshae et principalis Divisionis Daccae urbs. Ea, in ripis Fluminis Burigangae iacens, est megaurbs et una ex maioribus Asiae Meridianae urbibus. Cum sua regione metropolitana et numero civium plus quam 12 milliones anno 2008 aestimato, ea est maxima Bangladesiae urbs.^[5]

Dacca

Res apud Vicidata repertae:

Civitas: Bangladesia
Locus:
Numerus incolarum: 16 800 000
Zona horaria: UTC+06:00
https://dscc.gov.bd/ Situs interretialis

Gestio

Praefectus: Atiqul Islam
Procuratio superior: Dhaka Division

Geographia

Superficies: 368 chiliometrum quadratum

Coniunctiones urbium

Urbes gemellae: Calcutta, Quancheum, Karachium

Tabula aut despectus

Dacca: situs

Lintres Sadarghat, portum Daccae, navigant.

Historia

Anno 1765, Britanni Daccam ceperunt. Anno 1921 Universitas condita est. Anno 1971, urbs caput Bangladeshae, civitatis nuper liberatae, facta est.

Clima

Urbi Daccae clima est tropicum savanense per enumerationem Köppen–Geiger, calidum humidumque, mense Maio calidissimo, mense Ianuario frigidiore, hippalo a mense Maio ad Septembrem saeviente; temperatura aëris media mense Ianuario 19° atque a Maio ad Septembrem 29°, minima inter 13° et 26°, maxima inter 25° et 34°, sed minima extrema usque hodie nota 6°, maxima extrema 42°; pluviis mense Ianuario ad 8 mm tantum, mense Iulio 373 mm, anno toto non minus quam 2 148 mm elevatis, pluvio diurnali omnino maximo 341 mm die 27/28 Iulii 2009;^[6] diebus pluviosis mense Decembri nullo, mensibus Iunio et Augusto 16, per annum totum fere 101 notis; humiditate relativa inter mensuras 37% mense Februario et 74% mense Augusto reperta, horis solis fulgentis mensibus Iulio et Augusto 62, mensibus Decemberi et Ianuario 279, per annum totum 2 066 repertis; cyclonibus mortiferis interdum incidentibus (anno 1737 rursusque 1864 omnium violentissimis).^[7]

Pinacotheca

• 
  Via in Dacca.
• 
  Shahid Sriti Stombho in Sohrawardy Uddan.