Divio

Divio^[1] (Francice: Dijon) est urbs circiter 152 110 incolarum (anno 2011) in Francia, caput et praefecturae Clivi Aurei et regionis administrativae Burgundiae. Urbem Divionem his verbis Gregorius Turonensis saeculo VI exeunte laudavit:

Est autem castrum firmissimis muris, in media planitie et satis iucunda conpositum, terras valde fertiles habens atque fecundas, ita ut, arvis semel scissis vomere, semina iaciantur, et magna fructuum opulentia subsequatur. A meridie habet Oscaram fluvium piscibus valde praedivitem; ab aquilone vero alius fluviolus venit, qui per portam ingrediens ac sub pontem decurrens, per aliam rursum portam egreditur, totum munitionis locum placida unda circumfluens; ante portam autem molinas mira velocitate divertit. Quattuor portae a quattuor plagis mundi sunt positae, totumque aedificium triginta tres turres exornant; murus vero illius de quadris lapidibus usque in viginti pedes, desuper a minuto lapide aedificatus habetur, habens in altum pedes triginta, in latum pedes quindecim. Qui cur civitas dicta non sit, ignoro. Habet enim in circuitu pretiosos fontes; a parte autem occidentis montes sunt uberrimi vineisque repleti, qui tam nobile incolis falernum porrigunt, ut respuant Cabilonum.^[2] Nam veteres ferunt ab Aureliano hoc imperatore fuisse aedificatum.^[3]

Quick facts

[1]

[2]

[3]

Divio

Historia

Incolae notabiles

Notae

Nexus interni

Nexus externi

Wikiwand - on