Eva

Secundum Biblia, Eva (etiam Heva vel Hava scripta; Hebraice חַוָּה Hawwāh, Graece Εὕα) fuit omnium mulierum prima, quam Deus ex Adam protoplasti costa formavit, quam intuitus Adam, ait, "Haec nunc os ex ossibus meis / et caro de carne mea! / Haec vocabitur Virago, / quoniam de viro sumpta est haec" (Genesis 2:23). Eva a serpente seducta edit de fructo vetito, maritoque ut idem faceret, persuasit. Hac de causa difficultati pariendi, et rigidae subiectioni, peculiariter a Deo iudice addicta est. Dicitur hic eventus fuisse causa mortis hominum.^[1]

Haec pagina mulierem primam tractat. Si aliud quaeris quod etiam “Eva” appellatur, vide Eva (discretiva).

Eva cum fructu vetato, a Luca Cranach maiori saeculo XVI picta.

Hebraice חַוָּה Ḥawwāh significat 'vitam'.

In Nova Vulgata scribitur:

• Immisit ergo Dominus Deus soporem in Adam. Cumque obdormisset, tulit unam de costis eius et replevit carnem pro ea; et aedificavit Dominus Deus costam, quam tulerat de Adam, in mulierem et adduxit eam ad Adam. (Gen. 2:21-22)
• Et vocavit Adam nomen uxoris suae Eva, eo quod mater esset cunctorum viventium. (Gen. 3:20)

Nexus interni

• Adam
• Evangelium Evae