Franciscus Gualterius Steinmeier

Franciscus Gualterius Steinmeier (Theodisce: Frank-Walter Steinmeier, natus Detmoldae 5 Ianuarii 1956) praeses rei publicae foederatae Germaniae et sodalis SPD est.

Franciscus Gualterius Steinmeier

Res apud Vicidata repertae:

Franciscus Gualterius Steinmeier: imago

Franciscus Gualterius Steinmeier: subscriptio

Nativitas: 5 Ianuarii 1956; Detmolda
Patria: Germania

Familia

Coniunx: Elke Büdenbender
Proles: Merit Steinmeier

Munus

Steinmeier anno 1974 maturitatem adeptus est et tum Giessae iurisprudentiae et ab anno 1980 rebus politicis studebat. Anno 1982 primam, anno 1986 secundam approbationem accepit. Anno 1991 doctor iurisprudentiae promotus est. Ab hoc anno adlatus Gerhardi Schröder (SPD) praesidis ministrorum Saxoniae Inferioris factus est. Cum Schröder anno 1998 cancellarius foederalis electus est, Steinmeier eum Berolinum secutus est.

Cursus honorum

Sergius Lavrov (ad sinistram) et Franciscus Gualterus Steinmeier, ministri rerum externarum Russicus et Germanicus, Monaci die 13 Februarii 2016 colloquentes

Steinmeier ab anno 1975 sodalis SPD est. 1998 Schröder eum secreatarium statalem et 1999 administrum magistratus cancellarii (Bundeskanzleramt) fecit, quem honorem ad annum 2005 duxit: Post electionem Dietae Foederalis SPD cum Angela Merkel, quae nova cancellaria foederalis electus est, et CDU/CSU factionibus fecit. Steinmeier tum Administer Foederalis Rerum Exterarum et vicarius cancellarius nominatus est. Anno 2007 etiam vicarius praeses SPD factus est. Steinmeier candidatus factionis SPD ab 18 Octobris 2008 Cancellarii foederalis Germaniae in 2009 destinatus est. Sed electionem 27 Septembris perdidit. Tamen legatus Dietae Foederalis et 29 Septembris praeses legatorum suae factionis electus est. Hunc magistratum etiam post electionem Dietae Foederalis anni 2013 tenuit^[1]. Die 16 Decembris autem ei Thomas Oppermann in hunc magistratum successit, quod Steinmeier iterum administer rerum exterarum in consilio ministrorum tertio Angelae Merkel nominatus est^[2]. Die 17 Decembris 2013 administerium suscepit. Mense Decembri 2016 nuntiatum est Steinmeier candidatum factionum CDU et SPD praesidis foederalis futurum esse^[3]. Idcirco die 27 Ianuarii 2017 minister rerum exterarum se recessit. Successor eius Sigmarius Gabriel nominatus est^[4].

Et anno 2023, Praemium pacis librariorum Germanorum accepit.

Praeses foederalis Germaniae

Die 12 Februarii 2017 magna maioritate legatorum Concilii foederalis Germaniae praeses foederalis Germaniae electus est et die 18 Martii eiusdem anni successor Ioachimi Gauck magistratum iniit^[5]. Die 13 Februarii 2022 denuo magna maioritate eiusem concilii iterum ad quinque annos praeses electus est.