Hamas

Hamasia,^[1] vulgo Ḥamās (Arabice حركة حماس ḥarakatu Ḥamās 'commotio fervoris'), est factio politica Palaestinensis. Cuius nomen in brevius appellationem pleniorem Commotio rebellionis Islamicae (Arabice حركة المقاومة الاسلامية ḥarakatu l-muqāwamati l-ʾislamīyya) redigit.

Suadetur ut haec commentatio ad "Hamasia" moveatur. Sententiam tuam, quaesumus, profer in pagina disputationis. English language English It is proposed to move this page to Hamasia. Please give your opinion on the talk page. Deutsch Deutsch Es wurde vorgeschlagen, diese Seite nach Hamasia zu verschieben. Um Stellungnahme auf der Diskussionsseite wird gebeten. Esperanto Esperanto Rekomendatas la movo de tiu ĉi paĝo al Hamasia. Vi estas petata komenti prie en la diskutejo.

Vexillum, verbis Šahāda inscriptum, quo Hamasia saepe utitur.

Anno 1987 condita ab Ahmedo Yāsīn, sodale Fratrum Musulmanorum, mense Ianuario anni 2006 maiorem suffragiorum partem sibi conciliavit, ubi Palaestini novum senatum elegerunt, et factioni adversariae Fatah acerbam inopinamque intulit cladem. Cum ambae partes diu de potestate certavissent, sectatoribus Hamasianis non contigisset, ut suum imperium diversis copiis ac magistratibus imponerent, denique anno 2007 in Gazam se recessit, totamque terram illam in suam dicionem redegit.

Ut Palaestinam ab occupatione Israelitarum liberet, Hamasia ne facta tromocratica quidem recusanda arbitratur, et ob eam causam ab Israel, Civitatibus Foederatis, Unione Europaea, aliisque in numero societatum tromocraticarum habetur.

Die 7 Octobris 2023, Hamasia milibus missilum igneorum e Gaza necnon viribus pedestribus Israelem aggressa est. Deinde Israel Palaestinis bellum in laciniam Gazeticam denuntiavit.^[2]

Nexus interni

• A flumine ad mare‎‎
• Diploma Hamasianum anni 2017^(en)
• Ismail Haniyeh