Iulius Iulianus

Iulius Iulianus (nescimus, quando natus mortuusve sit) senator Romanus saeculi tertii et quarti fuit.

Cursus honorum

Iulius Iulianus circa annos 312 - 314 praefectus Aegypti erat, deinde Licinii imperatoris praefectus praetorio. Cum Licinius anno 324 a Constantino I victus esset, Iulianus anno 325 consul ordinarius vel suffectus^[1] nominatus est, quamquam amicus Licinii fuerat^[2], quod praefecturam tam bene gessisset.

Familia

Iulianus filiam Basilinam habuit, quae Flavio Iulio Constantio, filio Constantii I imperatoris, nupsit. Basilina autem mater imperatoris Iuliani erat^[3]. Filius Iulii Iuliani Iulianus fuit, qui postea etiam praefectus Aegyptum administravit^[4].