Lactivismus

Lactivismus,^[1] Anglice lactivism (conglutinatio: lactatio + activismus) est advocatio uberibus alendi.^[2] Fautores, lactivistae appellati, salubribus talis generis alendi commodis contra formulas alendas favere conantur, et ut homines et leges matres alentis non distinguant laborant.^[3][4]

Internationale uberibus alendi signum.

Unum ex publicis lactivismi generibus est "nutrientia"^[5] (ludus ex vocabulo insidentia^[6]), qua mulieres ad liberos alendos propalam conveniunt, plerumque casibus contra dicere quibus homines matrem uberibus alentem flagitaverunt ut mammas tegat vel locum relinquat quia uberibus alebat.^[7][8][9] Matres uberibus alentes aliquando per nutrientias vestimenta internationali uberibus alendi signo ornata gerunt, ad eorum humanitatem monstrandam.^[10]

Aliud lactivismi genus est matres qui uberibus alere malunt sustinere. Lactivistae data praebent, et subsidia de prospere uberibus alendo communicant.