Linguistica evolutionaria

Linguistica evolutionaria est scientifica originum et evolutionis linguae et evolutionis culturalis linguarum investigatio.^[1] Praecipua quaestio in hac investigatione est inopia datorum empiricorum, quia sermo dictus vestigia corporis vix relinquit. Itaque quaestio plus quam centum annos neglecta est. Ex decennio 199 exeunte, campus per progressum in psycholinguistica, neurolinguistica, anthropologia evolutionaria, psychologia evolutionaria, et scientia cognitiva, campis cognatis factum redintegratus est.

Historia

Augustus Schleicher (1821–1868) et sua Stammbaumtheorie pro initio linguisticae evolutionariae saepe citantur.^[2] Schleicher, a scientiis naturalibus, praecipue biologia, motus, fuit primus qui linguas cum speciebus se evolventibus comparavit,^[3] cum repraesentationem introduceret familiarum linguarum ut arbor evolutionaria in commentariis anno 1853 prolatis. Iosephus Jastrow gesturalis evolutionis linguae doctrinam in volumine septimo periodici Science 1886 protulit.^[4] Haec doctrina uberrima in linguistica comparativa fuit, sed maiorem originis linguae quaestionem—inopia indiciorum fossilium—non explicavit. Quaestio originis linguae quia responderi non potuit relicta est. Societas Linguistica Lutetiae anno 1866 additos commentarios de hac re celeberrime prohibuit.

Quaestio iterum apparuit anno 1988 in indice Linguistic Bibliography, ut subcampus psycholinguisticae. Stephanus Pinker et Paulus Bloom commentarium "Natural Language & Natural Selection"^[5] anno 1990 protulerunt, qui aditum per adaptationem originum linguae ponit. Quorum commentarius studium linguisticae evolutionariae redintegravisse saepe putatur. Hic progressus porro ab institutione (anno 1996) seriei conventuum de evolutione linguae (vulgo "Evolang" appellata) confirmatus est, modum scientificum et multidisciplinarium rei investigatae exspectationemque domuum editorialium academicarum promovens; exempli gratia, series Studies in the Evolution of Language ab Oxford University Press ex 2001 profertur.^[6] et periodicis scientificis.

Conventus Evolang

Conventus internationales de evolutione linguae^[7] ex 1996 per biennia habiti sunt.

Nexus interni

• Biolinguistica
• Darwinismus universalis
• FOXP2 et evolutio humana
• Forma stemmatica
• Psychologia evolutionaria linguae
• Educating Eve
• Origo linguae
• Phememum
• Polygenesis
• Polygenismus
• Theoria undarum