Scientia (ratio)
tractus, transferre et totum scientiae From Wikipedia, the free encyclopedia
Remove ads
Scientia (-ae, f.), sive plenius scientia rationalis, est inceptum systematicum, quod cognitionem aedificat et ordinat, explanationes quae temptari possunt et praedictiones de universo offerens.[1][2]
Vide etiam paginam discretivam: Scientia.
Primus progressus in historia scientiae Aegypto antiquae Mesopotamiaeque annos ab 3000 ad 1200 a.C.n. attribui potest,[3][4] quarum inventiones traditionesque mathematicae, astronomiae, et medicinae Graecam antiquitatis classicae philosophiam naturalem intraverunt et formaverunt, unde homines periti eventus in mundo corporeo in causis naturalibus fundatos explicare rite conabantur.[3][4] Post Imperium Romanum Occidentalium casum, scientia Graecarum orbis terrarum notionum in Europa Occidentali primis medii aevi saeculis (ab anno 400 ad annum 1000) corrumpebatur,[5] sed in mundo Islamico aetate aurea Islamica conservabatur.[6]
Remove ads
Generalia
Corpus scientiae hodie in provincias distinctas dividitur, inter quas philosophia, mathematica, physica, psychologia, historia. Qui scientiam rationalem navent scientifici appellantur.
Philosophia compluresque scientiae diu seiungi non poterant. Saeculo undevicensimo tanti viri tantas theorias dubiosas provulgabant ut lectoribus res veras a falsas cernere difficillimum fuerit. Philosophi qui de physica et mathematica ignorabant, theorias physicas pessimas anfractuosasque divulgabant. Similiter, physici qui subtilitates philosophicas ignorabant dubiosas philosophias provulgabant. Eo tempore igitur disciplinae scientificae formaliter divisae sunt in scientias hodiernas, ubi physica a philosophia abiuncta est, et cetera.
Scientiae philosophi deinde etiam conantur melius definire quod est scientia et quod non. Ut melius theoriae rudes et theoriae validae distinguantur, consensus apud multos fuit definire scientias disciplinas et gnaritates quae rationem scientificam sequuntur, ubi homines per logicam, observationes, et experimenta res—praesertim res naturales, sed etiam res humanas et divinas—scrutantur ad theorias validas creandas et leges universas discernendas.
Sicut docuit Renatus Cartesius,[7] fundamenta scientiae sunt logica et experientia coniuncta: coniecturae contra res experimentales verificandae sunt. Hoc sensu igitur omnes conclusiones scientificae ab omnibus ubique verificari possunt. Et, hoc sensu, scientia permaxime distincta est a religione, quod religio requirit nos conclusiones quae in experimentis non possumus confirmare comprobare.
Remove ads
Disciplinae
Scientiae empiricae rerum naturalium
Scientiae axiomaticae
Scientiae rerum humanarum
Scientiae arcanorum
Nexus interni
Notae
Bibliographia
Bibliographia addita
Wikiwand - on
Seamless Wikipedia browsing. On steroids.
Remove ads