Metrum Alcaicum

Metrum Alcaicum,^[1] sive stropha Alcaica, est stropha litterarum Graecarum et Latinarum, ex duobus hendecasyllabis Alcaicis unoque enneasyllabo Alcaico atque uno decasyllabo Alcaico; ictus in productas cadit syllabas.

Forma strophae Alcaicae ictibus indicatis.

Ad poetam adscribitur Alcaeum huius inventio strophae, unde nomen eius; maxime ea usi sunt vates Latini, praecipue Q. Horatius Flaccus in Carminibus atque nonnulli poetae Italiani saeculi undevicesimi, in primis Iosue Carducci.

Exempli gratia, sic incipit Horatii clarum carmen 9:

Vĭdēs / ŭt āl/tā // stēt nĭvĕ / cāndĭdūm	— hendecasyllabus Alcaicus
Sŏrā/ctĕ nēc iām // sūstĭnĕ/ānt ŏnūs	— hendecasyllabus Alcaicus
sīlvāe / lăbō/rāntēs / gĕlū/quĕ	— enneasyllabus Alcaicus
flūmĭnă / cōnstĭtĕ/rīnt ă/cūtō?	— decasyllabus Alcaicus
(Carmina I, 9, vv.1-4)

Poeta Polonus Adam Mickiewicz scripsit in Stropha Alcaica odam Ad Napoleonem III Caesarem Augustum.^[2]

Nexus interni

• Stropha Sapphica