Moscus

Moscus^[1] vel Moscua,^[2] vulgo Moskva (Russice Москва)^[3], est fluvius in medio partis Europaeae Russiae, per regionem Moscuensem, urbem dignitatis foederalis Moscuam atque (parte parva) regionem Smolenscensem Foederationis Russicae fluens et in Occam influens. Circiter 502 chiliometra patet.

Moscus

Ecclesia Resurrectionis vici Vasil'evskoie super Moscum
Longitudo	473 chm
Decursus aquae	150 m³/s
Area systematis	17 600 chm²
Fons	Popovka vicus prope Mosaiscum
Ostium	Occa in Columna
Regio	Regio Moscuensis Russiae

Ad Moscum sitae sunt urbes Mosaiscum, Zvenigorodia, Moscua (secundum nomen huius fluvii vocata), Urbs Resurrectionis (Voskresensk) et Columna (in ostio). In Moscua urbe aqua Volgana per canalem Moscuae acta suppletur et plenior fit, quam naturaliter erat. Istra est accola Mosci maximus in fluxu superiore; Setun', Neglina (iamdiu sub terram inclusa) et Iausa in Moscua urbe in Moscum effunduntur, Pachra est accola maximus in fluxu inferiore.

Tabula chorographica fluvii Moscuae a valle urbis Moscuae ad ostium (ex atlante Ioannis Kirilov)