Pakistania

Pakistania^[1][2] (Urduice پاکستان Pākistān), rite Respublica Islamica Pakistaniae (اِسلامی جمہوریہ پاکِستان), est res publica in Asia Meridiana sita, prope terram antiquam cui nomen Graece Sindhos et nostra lingua Sindus est. Quae civitas est quinta a maxima inter orbem terrarum, paene 242 milliones civium habens, et secunda a maxima quae ad numeros Musulmanorum spectat.^[3]

Pakistania

Res apud Vicidata repertae:

Pakistania: insigne

Pakistania: vexillum

Terra continens: Asia
Territoria finitima: Afgania, India, Res publica popularis Sinarum, Irania
Locus:
Caput: Islamabada

Gestio

Res publica foederalis, Res publica parlamentaria
Princeps: Asif Ali Zardari
Praefectus: Shehbaz Sharif
Consilium: Parliament of Pakistan
Iudicium: Supreme Court of Pakistan, Supreme Court of Azad Jammu & Kashmir, Supreme Appellate Court Gilgit-Baltistan
Situs interretialis

Populus

Numerus: 223 773 700
Sermo publicus: Anglice, lingua Urdu
Zona horaria: UTC+05:00, Asia/Karachi
Moneta: Pakistani rupee

Commemoratio

Paean: Qaumi Taranah
Praeceptum: Iman, Ittihad, Nazm

Sigla

ISO PK, PAK, 586; IOC PAK
Dominium interretiale: .pk
Praefixum telephonicum: +92
Siglum autoraedarum: PK

Tabula aut despectus

Pakistania: situs

Historia

Si plus cognoscere vis, vide etiam Mohenjo-daro.

Millennio tertio a.C.n. floruit civilizatio Vallis Indi ubi Pakistania nunc stat. Usque ad saeculum vigesimum, nulla distinctio inter Pakistaniam, Indiam, aliasque civitates Asiae Meridianae obtinebat.

Pakistania est creata ex parte Indiae post 'pugnam pacalem' (ut dicitur) Mohandai Gandhi contra Britannos qui tunc Indiam regebant. Muhammad Ali Jinnah, dux Musulmanorum Indianorum (amicusque Mohandai Gandhi), aliique Musulmani putabant Musulmanos Indianos non satis securos futuros esse, ergo res publica propria, Pakistania, creata est quando Britanni regere cesserunt anno 1947. Jinnah ipsi, quia certamen civitatis pro libertate duxerat, agnomina 'Quaid-e-Azam' ('dux magnus') et 'Baba-e-Qaum' ('pater patriae') data sunt, cuius dies natails, 25 Decembris, in Pakistania colebatur.

Pakistania Indiaque quater inter se pugnaverunt: ter (annis 1947, 1965, 1999) quia ambae res publicae regionem Casmiriae regere volunt, et semel (anno 1971) quando Pakistania Orientalis (nunc Bangladesha) libera esse volebat. Et Pakistania et India arma atomica habent.

Geographia

Alexandri Magni post occupationem, Sindus de Indiam separatum erat, in culturam Hellenicam classicam inclusum. Deinde geographia et toponymia classica Graeco-Latina plerumque cognitae sunt.

Finitimi Pakistaniae sunt Irania, in parte inter australem et occidentem; Afghania, in parte australe et in parte septentrionale; Res Publica Popularis Sinarum, in parte inter occidentem et septentrionalem; et India, in parte orientale. Pars australis Pakistaniae ad Oceanum Indicum spectat.

In parte septentrionali sunt montes alti; unus, K2 nomine, est altissimum telluris cacumen praeter Montem Everestem. Montes per partem occidentalem patent. Prope australem et orientalem partem est Cholistan, regio deserta; planities in parte australi et occidentali quoque paene deserta est. Reliqua pars superficiei terram ad agriculturam aptam continet.

Clima maioris partis Pakistaniae est tropicale, cum pluviis monsoniis dictis aestate usque ad mensem Septembrem. Plures species animalium et plantarum Pakistaniam habitant.

Montes maiores

• M. Emaus (hodie Karakoram, 8611 m)
• M. Emodus (hodie Himalayas, Indice antiquo Himavat)
• M. Paropanisus (hodie Hindukush, 7890 m)
• M. Parustus (hodie Sulayman, 4761 m)
• M. Sindhus (hodie Kirthar, 3451 m)

Cacumina altissima

Despectus in Nanga Parbat.

• K2
• Nangaparbat

Flumina maiora

• Acesines (hodie Tsehinab)
• Achesmius (hodie Chenab)
• Hydaspes (hodie Djelum)
• Indus
• Zadartes vel Hesydrus (hodie Sutlej)

Urbes antiquae

Imago saltatricis, e Mohenjo-daro (Civilizatio Vallis Indi)

• Mallorum urbs (hodie Multan)
• Mansera (hodie Shahbazar)
• Masana (hodie Gwadar)
• Morostobia (hodie Karachium)
• Opiana (hodie Alipur)
• Pactala (hodie Hyderabad)
• Peuklotis (hodie Peshawar)
• Pura (hodie Bangur)
• Rhambakia (hodie Shahbilwal)
• Taxila (hodie Sirkap)

Urbes maximae

Conferatur pagina principalis: Index urbium Pakistaniae.

Nomen Latinum	Nomen Urdu	Provincia aut territorium	Numerus incolarum (2017)[4]
Karachium	کراچی	Sindia	14 916 456
Lahorium	لاہور	Pengabum	11 126 285
Faisalabad	فیصل آباد	Pengabum	3 204 726
Rawalpindi	راولپنڈی	Pengabum	2 098 231
Gujranwala	گوجرانوالہ	Pengabum	2 027 001
Peshawar	پشاور	Khyber Pakhtunkhwa	1 970 042
Multan	ملتان	Pengabum	1 871 843
Hyderabad	حیدرآباد	Sindia	1 734 309
Islamabada	اسلام آباد	Territorium capitale Islamabadense	1 009 832
Quetta	کوئٹہ	Baluchistania	1 001 205

Provinciae

Provincia	Caput	Numerus incolarum
Baluchistania	Quetta	12,344,408
Pengabum	Lahorium	110,126,285
Sindia	Karachium	47,886,051
Chaiber et Pathanistania (Khyber Pakhtunkhwa)	Peshawar	40,525,047
Gilgit et Baltistania	Gilgit	1,800,000
Casmiria Libera[5]	Muzaffarabad	4,567,982
Territorium capitale Islamabadense	Islamabada	2,851,868

Nexus interni

• Benazir Bhutto
• Pervez Musharraf
• Subcontinens Indica