Pharao

Pharao^[1] (Graece Φαραώ, Hebraice פַּרְעֹה) est appellatio permultis hodiernis disceptationibus de rectoribus Aegypti antiquae omnium temporum adhibita.^[2] Appellatio in vocabulis Aegyptiis pr-`ɜ (aliquando pr-aa descriptis) 'magna domus' oritur, quae palatium regale describunt. Appellatio pharaonis pro rege per Regnum Novum adhiberi coepit, diserte per medium domum regnantem duodevicensimam, regem ipsum per metonymiam indicans.^[3]

Pharao
Nomen Aegyptium
Hieroglyphica
Translitteratio	pr-`ɜ
Translatio	magna domus

Pharaones post Tosorthrum domus tertii plerumque mitram nemes, barbam falsam, et limbum ornatum gerentes picti sunt.

Den.

Praenomen et nomen Ramesses II.

Apud fontes classicos, vocabulum inveniri non solet sed rex potius, sed Bibliia Sacris in Latinam conversis, vocabulum Hebraicum פרעה coepit in usu fieri.

Regalia

Mitra khat appellata in re sudarii simili consistit, cuius finis paene sicut "cauda manni" conligatur. Primae mitrae khat imagines ex regno Den veniuntur, sed khat ante regnum Tosorthrum non iterum invenitur. Mitra nemes ex tempore Tosorthri venit; statua ex eius serdab in Saqqara regem mitram nemes gerentem exhibet.

Appellationes

In scriptis hieroglyphicis, praenomen et nomen in cartouche continebantur. Praenomen, appellationes Nsw Bity 'Rex Superioris et Inferioris Aegypti' vel Nebtawy 'Dominus Duorum Terrarum' saepe sequens, nomen Ra saepe comprehendebat. Nomen autem appellationem Sa-Ra 'Filius Ra' vel Neb-Kha 'Dominus Aspectuum' saepe sequebatur.^[3]

Pharaones

Inter pharaones maximi momenti in historia Aegyptia sunt:

• Amenophis IV "Echnaton"
• Cleopatra I
• Cleopatra VII
• Cheops (Khufu) aedificator maximae pyramidis
• Chephren (Khafre)
• Mycerinus (Menkaure)
• Rhamses I
• Rhamses II Magnus
• Soris (Snofru)
• Tutenchamun (Tutankhamun)

Nexus interni

• Aegyptus superior et inferior
• Aegyptologus
• Appellationes regales Aegypti antiqui
• Calendarium Aegyptium
• Historia Aegyptia
• Index Pharaonum
• Monarcha
• Pharao Exodi