Rhamses II

Rhamses^[1] seu Ramses,^[2] secundus huius nominis, fuit divus Aegypti rex, ab anno 1290 a.C.n., cum patri Setho I succederet, usque ad annum 1224 a.C.n.. Tertius etiam pharao XIX° domus regiae fuit. Templum in eius memoriam prope Thebas dedicatum, Ramesseum hodie dictum, cuius ruinae etiamnunc admirationem movent, apud Diodorum Siculum iam descriptum inveneris^[3].

Fragmentum Rhamsis II colossi “Iuvenem Memnonem” cognominati, hodie in Museo Britannico servatum.

Res gestae et eventa

Bellum contra Hetthaeos gessit, quos autem proelio apud Cates anno 1285 a.C.n. superare non potuit. Anno 1270 a.C.n. foedus pacis cum imperio Hetthaeorum icit. Quo regnante, Aegyptii multa et praeclara templa exstruxerunt, ut in Thebis. In traditione biblica, 1280 a.C.n. Iudaei sub Mose Aegyptum reliquerunt, sed hoc hodie ab eruditis negatur. Amenephthis (Merenptah) pharao ei successit.

Nexus interni

• Sepulcrum Ptahmes
• Templa Abu Simbel