Systema immunitatis

From Wikipedia, the free encyclopedia

Systema immunitatis
Remove ads

Systema immunitatis est organismi structurarum processuumque biologicorum compages, quae facultatibus corporis utitur ad pericula defenda et etiam usque morbos curandos. Haec compages proprium ab alieno separare debet.

Cave: notitiae huius paginae nec praescriptiones nec consilia medica sunt.

Thumb
Systema immunitatis organismum contra hostes defendens: Granulocytus neutrophilus (flavus) bacillos anthracis (aurantios) ad interficiendum cingit.

Corpori perpetuo complures substantiae, radii, microorganismi et alii appulsus mox congrediuntur, mox offendunt, mox etiam periculum imponunt. Adversus offensiones et pericula corpori biologico diversae strategiae servant. Ex eis una systema immunitatis praestat, quod corpori "immunitatem" dat, non vero in sensu portoriorum liberato, quia responsa immunologica systematis immunitatis haudquaquam lenia sunt, interdum modum excedentia, quod cum phaenomeno allergiae nexum est. De consuetudine contagiones silentio praetereunt. Aliarum defensionis vero impensa signa, quae percipi possunt, perficiant ut febrim, tussim, rhinitidem.

Cellulae effectores systematis immunitatis partim per ipsas cellulas munere funguntur ut leucocyti, phagocyti, anticorpora, cellulae dendriticae. Praeterea aliquae cellulae proteina exponuntur. Hae cellulae in diversis liquoribus corporis, textibus, organis reperiuntur, imprimis in sanguine, tunicis mucosis, systemate lymphatico, medulla ossium, cute, thymo, liene. Systema immunitatis ceterum duas partes principales, systema immunitatis innatum enim atque systema immunitatis adaptivum comprehendit.

Processus biologici systematis immunitatis ex actionibus multiplicis exstant, quibus systema immunitatis corpus contra omnia aliena defendit: bacteria, viros, parasitos, etiam fragmenta ligni aut vitri.[1]

Pars scientiae, quae de hoc systemate tractat, immunologia dicitur. Systematis immunitatis cognitio magnum momentum quoad morbos, ut dermatis vel rheumaticos, et aliarum disciplinarum medicarum habet.

Si systema immunitatis infirmum apparet, variae causae suspicandae sunt, ut infirmitates systematis proprii defecta primaria, vel aliis morbis defecta secundaria, per exemplum defectum diabeti mellito, medicamentis, morbillis, SIDA pensum. In medicina hodie 430 defecta immunitatis primaria (innata) descripta sunt. Horum classificatio ameliorata anno 2019 divulgata est.

Remove ads

Historia

Thumb
Eduardus Iennerus, a Iacobo Northcote pictus

Thucydides fortasse primus fuit, qui immunitatem recognovit.[2] Medici autem Europaei demum saeculo duodevicensimo experimenta fecerunt, imprimis Eduardus Iennerus, qui anno 1796 primam vaccinationem dedit.[3]

Immunitas in genere

Conferatur pagina principalis: Immunitas (medicina).

Die et nocte alieni microorganismi ut bacteria, vira, parasiti tentant, ut in organismum intrarent. Immunitas est facultas quaedem organismi, ut ille se contra alienas structuras vel substantias defenderet. Exstant et immunitas congenita, quae est innata, et immunitas acquisita, responsum partium systematis immunitatis e cognitione ortum.

Basis defensionis immunitatis, quae inter partes innatam et adaptatam videndam est, est structurae anatomicae varii generum organorum, textuum, cellularum defensionis, variae reactiones physiologicae et biochemicae.

Procreatio cellularum immunitatis, leucocytorum, in organis lymphaceis primariis fit, quae sunt thymus et medulla ossium. Tum leucocyti in organis textibusque lymphaceis, necnon in sanguine, inveniuntur.

His in omnibus rebus continuo lymphaceorum organorum, textuum, cellularum firmi pernecesse sit internuntii,? ne propria organa textusque adeantur.

Remove ads

Anatomia systematis immunitatis

Cellularum illarum pleraeque ex medulla ossium oriuntur. Physiologicae corporis strategiae sunt diversae repagulae superficierum, phaenomenon inflammationis, deiectus systematis complementi, repagulae cellularum.

Anatomia macroscopica: Organa lymphacea et textus lymphacei

Organa et membra corporis sequentia partim in systemate immuni agunt.

Anatomia microscopica: Cellulae systematis immunitatis

Cellulae systemati immunitatis obligatae maximum momentum in responso immunologico habent. Leucocyti et cellulae dendriticae sunt cellulae systematis immunitatis.

More information Typus cellulae, Imago ...

Secundum leucocytorum aspectum histologicum sub microscopio, praecipue inclusionum granulorum intracellularium praesentiam vel absentiam, separantur granulares ab agranularibus:

  • Granulocyti (leucocyti granulares) sunt: neutrophili, basophili, eosinophili
  • Leucocyti agranulares sunt: lymphocyti, plasmocyti, monocyti

Generatio cellularum defensionis corporis intra ossium medullam fit. Istuc non solum erythropoesis (generatio erythrocytorum) et thrombocytopoesis (thrombocytorum) sed etiam granulopoesis (granulocytorum), monocytopoesis (mastocytorum), lymphopoesis (lymphocytorum NK, T, B) percurruntur.

Leucocyti granulares (granulocyti)

Conspicuum est cytoplasma plenum granularum. Nuclei cellulae saepe plures lobulos ostendunt.

Granulocyti neutrophili
Neutrophili segmentis 2-7 nuclearibus causa cellulae polymorphonucleares dicti, numerosi in corpore humano inveniuntur: Circiter centesimae sexaginta leucocytorum sunt neutrophili. Ii bacteria interficiunt.
Extra valetudinem integram inopia in sanguine nominatur neutropenia, affluentia autem neutrophilia.

Granulocytis basophilis
Basophilis histaminum inest. Cellulae In sanguine motae granulocyti basophili, at cellulae in textu residentes mastocyti dicuntur.

Leucocyti agranulares

Leucocytis agranularibus nucleus cellulae singularis est. In genere leucocyti agranulares distinguuntur in cellulas lymphoideas et cellulas monocyticas. Ipsae secundum dictae ex eisdem cellulis myeloideis ut granulocyti formantur.

Lymphoblastus
Lymphoblasti sunt lymphocytorum progenitores. Ab antigenis stimulati in centris germinalibus folliculum primarium partim constituunt.

Lymphocytus
Lymphocyti sunt systematis immunitatis effectores. Cognoscunt antigena, formant responsum immunologicum. Dividuntur in lymphocytos B, lymphocytos K, lymphocytos T.

Plasmocytus
Plasmocyti se ab Lymphocytis B derivant, immunoglobulina secernunt et, ab antigenis stimulati, participes centrorum germinalium fiunt.

Monocytus
Monocyti in sanguine fluunt et phagocytosi atque procreationi macrophagocytorum textuum sunt.

Cellulae dendriticae

Cellulae dendriticae gregem propriam constituunt[4].

Remove ads

Physiologia systematis immunitatis

Anticorpora

Conferatur pagina principalis: Anticorpus.

Anticorpora sunt proteina, quae ad defensionem cellularum valent.

Responsio immunitatis

Responsio degesta

Si aliena corpori res obveniat, systema immunitatis illud contra infectionem responsione ad superiorem gradum ferente degesta defendit. Ut prima repagula corpus ipsum aditum bacteriorum virorumque claudit. Deinde duae partes systematis immunitatis prohibitionem efficiunt: systema immunitatis innatum cum reactione non specifica atque systema immunitatis adaptivum cum responso specifico.

Reactiones hypersensitivitatis

Responsorum prolongatorum et modum excendentium causa demum detrimenta textuum biologicorum, inflammationis ope, perficere solent. Distinguuntur reactiones hypersensitivitatis quattuor: typi I-IV.

  • Typus I: Reactio repentina, anaphylactica, anaphylaxis, allergia (exemplum: Asthma bronchiale)
  • Typus II: Reactio cytotoxica — anticorpora IgM vel IgG cellulis vel textibus aggrediuntur (exemplum: Sanguinis genera imparia)
  • Typus III: Morbus complexus immunitatis — complexus ex antigeno et anticorpore compositi systema complementorum incitant (exemplum: Lupus erythematodes)
  • Typus IV: CD4+ T cellulae destructionem textuum per cellulas mononucleares provocant, reactio tarda (exemplum: alveolitis allergica extrinsica)

Tolerantia immunitatis

Tolerantia ad systematis immunitatis statum non vel minimum respondentem refert, quo immunitatis responsio substantiis allergentibus in exspectationem retentetur vel etiam absit. Distinguuntur inter tolerantiam immunitatis centralem (nullis lymphocytis praecursoribus autoreactivis) et tolerantiam immunitates periphericam (cum cellulis B et T paulum reactivis).

Remove ads

Morbi cum systemate immunitati conexi

Contagiones recurrentes systema immunitatis in suspicionem adducunt. Multitudo morborum perturbationumque (defecta) descripta sunt, aliae intime,? aliae haud in aperto videntur. Fieri potest, ut systema immunitatis non perpetuo sed modo brevi tempore symptomata perficiat, quapropter diagnosis morbi conexus cum systemate immunitate interdum non solum difficilis est sed etiam longissime restat, dum symptomata morbo uno attribui possint.?

Defecta immunitatis primaria (innata)

In medicina hodie plus quam 350 defecta immunitatis primaria (innata) nota sunt[5]. Classificatio revisa anno 2017 divulgata est.

Classificatio phaenotypica 2019 IUIS primariorum immunitatis defectorum (PID)

Anno 2017 Internationalis Unio Immunologicarum Societatum (IUIS) classificationem phaenotypicam composuit[6], at iam anno 2019 versionem emendatam divulgavit, tum 430 primaria immunitatis defecta (PID) describens. Haec ibidem dividuntur in:

  • I. Defecta affectantia immunitatem et cellularem et humoralem et
  • II. Combinata immunitatis defecta (CID) qualitatibus vel syndromatibus vel sociatis et
  • III. Defecta imprimis anticorporum et
  • IV. Mala dysgubernationis immunitatis et
  • V. Defecta innata phagocytorum, ad horum numerum vel functionem vel utrumque pertinentia et
  • VI. Defecta immunitatis intrinsicae seu innatae et
  • VII. Mala autoinflammatoria et
  • VIII. Deficientias systematis complementi et
  • IX. Insufficientiam medullae ossium et
  • X. Phaenocopias PID (defectorum immunitatis primariorum).

Defecta immunitatis secundaria (acquisita)

Alii morbi, contagiones, tumores, inflammationes deficientias vel defecta systematis immunitatis perficere queant. Periculosus potest esse morbus deficientiae immunitatis acquisitae (SIDA).

Remove ads

Notae

Bibliographia

Nexus interni

Nexus externi

Loading related searches...

Wikiwand - on

Seamless Wikipedia browsing. On steroids.

Remove ads
Remove ads