Tribulum

Tribulum,^[1] sive tribula,^[2] est machina rustica plostello trahaeve similis quae equis tracta segetem sua vi triturat.^[3]

Tribulum Aegyptium. (Photographema Heliopoli anno 1884 facta.)

Varro ita hoc instrumentum describit:

Id fit e tabula lapidibus aut ferro asperata, quae cum imposito auriga aut pondere grandi trahitur iumentis iunctis, discutit e spica grana; aut ex axibus dentatis cum orbiculis, quod vocant plostellum poenicum; in eo quis sedeat atque agitet quae trahant iumenta, ut in Hispania citeriore et aliis locis faciunt. (De re rustica 1.52)

Hodie tribulum mechanicum tractorio vehitur.

Nexus interni

• Murex ferreus
• Tribulus terrestris