Turris Eiffeliana

Turris Eiffeliana,^[1] vel Turris Eifellia^[2] (Francogallice La Tour Eiffel [la tuʁ ɛfɛl], La dame de fer 'domina ferrea' per iocum appellata), est turris cancellorum ferro temperato confecta atque in Campo Martio iuxta flumen Sequanam Lutetiae Arrotundimento VII sita, ex Gustavo Eiffel ingeniario appellata, cuius societas mercatoria G. Eiffel et Compagnie turrim annos ab 1887 ad 1889 aedificavit. Turris ut arcus introitús in Expositionem Universalem anni 1889 designata est et eo anno confecta, architecto Stephano Sauvestre, ingeniariis principalibus Mauritio Koechlin et Aemilio Nouguier, directore operis Gustavo Eiffel.

Prima turris adumbratio, a Mauritio Koechlin architecto facta.

Turris Eiffeliana.

Turris Eiffeliana aedificata.

Herma Gustavi Eiffel ab Antonio Bourdelle anno 1929 confecta, sub turri visa.

Museum Lupariense et flumen Sequana, a Turri Eiffeliana visa.

Eiffel suam turrim cum pyramidibus Aegyptiis comparavit.

Turris Eiffeliana e Campo Martio visa.

Hodie inter structuras orbis terrarum notissimas, praesertim inter symbola culturae Francicae, enumeratur. Quae turris est structura altissima Lutetiae^[3] et monumentum commercii quod plerique peregrinatores in mundo visitavit; 7.1 milliones hominum eam anno 2011 ascenderunt. Suggestus superior observatorii tertii gradus, 279.11 metris altus, est altissimus locus facilis a publico in Unione Europaea et altissimus in Europa, dummodo suggestus Turris Ostankino Moscuae, 360 metris altus, ob conflagrationem Augusti 2000 clausus maneat. Turris eius salutatorem 250 millionesimum^? anno 2010 accepit. Dicitur 434 000 000 000 euronum valere, secundum studium Italicum anno 2012 confectum.^[4] Die quinto decimo mensis Martii, anno bis millesimo vicesimo secundo, antenna nova, cum reti DAB+ congruens, id est officiis radiophonicis digitalibus, helicoptero in summo turris collocata est, eius altitudinem a trecentis viginti quattuor ad trecentos triginta metra aucta.

Turris est 320 metra alta, circa altitudinem aedificii 81 tabulationum. Per constructionem Monumentum Vasingtonianum exsuperavit, nomen altissimae orbis terrarum structurae ab hominibus factae sibi adrogans, quod nomen quadraginta unum annos tenebat, donec Aedificium Chrysleranum Novi Eboraci anno 1930 aedificatum est.

Turris Eiffelianae inscriptiones quos nomina virorum scientiae peritorum septuaginta duo commemorat. Ipse Gustavus Eiffel iuxta turrim suam commemoratur: ibi sub boreali structurae pede videtur protome aënea ab Antonio Bourdelle anno 1929 confecta.

Origo

Ad Expositionem Universalem anno 1889 celebrandam ad annum saeculi Res novae Franciae ingeniarii duo societatis G. Eiffel et Compagnie, videlicet Mauritius Koechlin et Aemilius Nouguier "turrim altissimam" construere, anno 1884 primi proposuerunt; qui, dubitante etiam domino Eiffel, sibi coniunxerunt Stephanum Sauvestre architectum eiusdem societatis. Propositione turris altissimae denuo accepta, minister rerum commercialium Eduardo Lockroy et praefectus Sequanae praefecturae Eugenius Poubelle die 8 Ianuarii 1887 conventum cum Gustavo Eiffel concluserunt. Turris inter duos annos constructa est (dissuadentibus Gulielmo Bouguereau, Alexandro Dumas filio, Guidone de Maupassant, aliisque scriptoribus et pictoribus Lutetianis); hominibus die 31 Martii 1889 aperta est.

Nexus interni

• Carolus Garnier (architectus)