Deus

Deus^[1] est unus e congregatione deorum dearumque, vel, si sit solus deus, ens supremum, deus creator, et principalis fidei res.^[2] Deus plerumque concipitur omnipotens, omnisciens, omnipraesens, omnibenevolens, aeternus, et metaphysice necessarius. Deus saepissime incorporealis putatur, cuius proprietas philosophica cum opinionibus transcendentiae vel immanentiae consociatur.^[2][3][4]

Imagines dei, artis aut venerationis causa: laeva ad dextram a summa parte in Christianitate, Islam, Atenismo, Monade, Hinduismo Baliensi^(en), et Zoroastrismo.

Diagramma nominum Dei. Tabula ab Athanasio Kircher editum.

Aliae religiones eorum deum sine genere tributo describunt, sed aliae vocabulis utuntur quae ad genus diserte inclinantur. Deus aut personalis aut non personalis conceptus est. Deus in theismo creator sustentorque universi, sed in deismo creator sed non sustentor universi est. Deus in pantheismo est universum ipsum, sed universum in panentheismo pars sed non omnis dei est. Atheismus est absentia fidei in ullum deum vel deitatem, sed agnosticismus est fides exsistentiam dei ignotam esse aut nosci non posse. Deus praeterea fons omnium obligationum moralium et "maxima res exstans quae concipi potest."^[5] appellatus est.^[2]

Multi theologi et philosophi argumenta pro et contra exsistentiam dei protulerunt. Deo sunt multa nomina secundum linguas et traditiones culturales, titulis appellationibusque aliquando eius proprietatibus tributis.

Propria vel qualitates dei

Philosophia religionis sequentes agnoscit res quae necessaria propria vel qualitates dei sint.

• Omnipotentia: potestas sine fine.
• Omniscientia: scientia sine fine.
• Aeternitas: deus tempore non finitur.
• Bonitas: deus benevolens omnino est.
• Unitas: deus dividi non potest.
• Simplicitas: deus non compositus est.
• Incorporealitas: deus non corporeus est.
• Immutabilitas: deus non commutatur.
• Impassabilitas: deus res non patitur.^[6]

Deus in Christianitate

Deus regnum praestabile habet. Saepe Deus adoratur et fere videtur praebere hominibus poenam (pro transgressionibus) vel praemium (pro servitio aut sacrificio). Christianorum Deus est generator terrae atque caeli.

Doctrina Thomae Aquinatis dicit Deum esse "ipsum esse per se subsistens." Doctrina Anselmi Cantuariensis dicit Deum esse "aliquid quo nihil maius cogitari possit."^[7]

Proprietates dei

• Omnipotentia: Deus omnia potest facere (mundum creavit; Mariam, matrem Iesu, praegnantem fecit; etc.)
• Omnibenevolentia: Deus omnia amat; etiam peccatores, scelestos, coas, etc.
• Omniscientia: Deus omnia scit et videt.
• Omnipraesentia spatialis: Deus ubique adest.
• Omnipraesentia temporalis: Deus semper fuit, est, et erit ad infinitum. Natus non est neque moriturus est.

Religiones quae deum cognoscunt

• Christianitas
• Hinduismus
• Islamus
• Iudaismus

Nexus interni

• Allah
• Angelus
• Apotheosis
• Dea
• Deus (Islam)
• Icon
• Imago dei
• Index theologorum
• Logos
• Mythologia
• Semideus
• Theocratia
• Theologia
• Trinitas