Adolf Hnatek

Den Adolf Hnatek, gebuer de 7. Juni 1876 zu Wien, a gestuerwen de 16. Oktober 1960, war en éisträicheschen Astronom.

Adolf Hnatek
Gebuer	7. Juni 1876 Wien
Gestuerwen	16. Oktober 1960 Wien
Nationalitéit	Éisträich
Aktivitéit	Astronom, Universitéitsprofesser

Den Hnatek war Professer fir Astronomie op der Universitéit Wien a vill Joerzéngten aktiv am Universitéitsobservatoire. Hie war e Pionéier an der Spektralphotometrie vu Stären^[1], andeems hien déi relativ Energiedichten (bestëmmbar aus de fotografesche Placken) bei verschiddene Wellenlängte verglach huet. Aus Vergläicher mat dem Schwaarzkierperspektrum vun engem Vergläichsstär huet hien dann d'Temperatur ermëttelt. Hien huet iwwer dëst Gebitt am Joer 1928 een Artikel an d'Enzyklopädie der mathematischen Wissenschaften geschriwwen.

Kuckt och

Portal Astronomie

Um Spaweck

• Publikatioune vum A. Hnatek am Astrophysics Data System

Referenzen

1. J. B. Hearnshaw Measurement of Starlight, S.308