China National Space Administration

China National Space Administration (CNSA), englesch fir Chineesesch National Weltraum Agentur, ass déi chineesesch Weltraumorganisatioun, déi fir d'zivil Raumfaartprogramm vun der Volleksrepublik China verantwortlech ass.

Geschicht

Déi nationaal chineesesch Weltraumagentur gouf am Joer 1993 als Nofollger vum Ministerium fir Loft- a Raumfaartindustrie gegrënnt, dobäi gouf d'Industrie als China Aerospace Corporation (englesch fir chineesesch Loftraum-Gesellschaft) zesummegefaasst. 1998 gouf d'Loftraum-Gesellschaft a verschidde kleng Entreprisen ënnerdeelt. De Chef vun der CNSA ass haut de Chen Qiufa (陳求發) (Stand: 2012).^[1],[2]

Zanter 2007 ass déi chineesesch Weltraumagentur Member vun der Internationaler Charta fir Weltraum an Naturkatastrophen.

Missiounen

Numm	Startjoer	Kuerzbeschreiwung	Bemierkung
Shenzhou 5	2003	dat éischt bemannt Raumschëff (vun der CNSA)	Erfolleg
Chang'e-1	2007	déi éischt Äerdmound-Sond an Optakt zum Äerdmoundprogramm	Erfolleg
Chang'e-2	2010	déi zweet Äerdmound-Sond	Erfolleg
Tiangong 1	2011	dat éischt Raumlabor	Erfolleg
Yinghuo 1	2011	eng Mars-Sond, gestart mat Fobos-Grunt	Feelstart
Chang'e-3	2013	Éischt onbemannt Moundlandung	Erfolleg

Kuckt och

Portal Astronomie

Um Spaweck

• China National Space Administration (chineesesch/englesch) – offiziell Websäit

Referenzen

1. cnsa.gov.cn Resumes of Leaders
2. wantchinatimes.com Who's Who Chen Qiufa (陳求發)