Eelef

Déi natierlech Zuel Eelef (11) ass d'Nofollgerin vun der Zéng an d'Virgängerin vun der Zwielef. Et ass déi klengst Primzuel mat zwou Stellen am Dezimalsystem an déi fënneft tëscht der Siwen an der Dräizéng. Et ass eng ongerued Zuel.

11
Eelef
positiv ganz Zuel, Primzuel, ongerued Zuel, zentréiert dekagonal Zuel
Virgänger	Zéng
Nofollger	Zwielef
Ordinalzuel	eeleft
Eegenschaften
Primfacteur(en)	11
Deeler	1, 11
Zuel vun Dezimalzifferen	2
Aner Duerstellungen
Réimesch	XI
Binär	1011
Oktal	13
Duodezimal	B
Hexadezimal	B

Dat réimescht Zeeche fir d'Eelef ass XI.

Naturwëssenschaft

Am Periodesystem vun den Elementer an der Chimie ass d'Eelef d'Uerdnungszuel vum Natrium.

De Wëllintekoup, och als Messier 11 bezeechent, ass en hellen oppene Stärekoup am Stärebild Scutum. Den NGC 11 ass eng Spiralgalaxie am Stärebild Andromeda.

Aneres

• De Buschtaf K , ass den eelefte Buschtaf am laténgeschen Alphabet.
• All Joer fänkt den däitsche Karneval den "Eelefte vum Eeleften um Eelef Auer Eelef" un an dauert bis Äschermëttwoch, soudatt dacks vun der "fënnefter Joreszäit" geschwat gëtt.
• Hockey ass eng Ekippesportaart bei där zwou Mannschafte géinteneen untrieden. All Ekipp besteet aus eelef Spiller. Foussball ass e Ballspill bei deem zwou Ekippe vu jeeweils eelef Spiller openeentreffen.

Kuckt och

• Eelefmeter
• Kepler-11
• Pioneer 11
• Gasmaschinn Nr.11 Déifferdeng

Um Spaweck

Commons: Eelef – Biller, Videoen oder Audiodateien

Wiktionnaire: Eelef Definitiounen, Synonymmer an Iwwersetzungen