Eisebunnsstreck

Eng Eisebunnsstreck (och alt Eisebunnstrass), Zuchstreck oder och einfach Streck, nennt een d'Verbindung mat der Eisebunn tëscht verschidde Plazen. Par analogie dozou gëtt d'Verbindung mam Tram als Tramsstreck bezeechent.

Zwou zweegleiseg Strecken niefteneen, westlech vun der Hollerecher Gare: lénks d'Streck fir op Péiteng a riets déi fir op Klengbetten

Am Géigesaz zur Streck bezitt sech den Ausdrock Linn (Eisebunnslinn, Tramslinn) op de reegelméissege Verkéier op dëse Strecken. Dëst bedeit, datt op enger Streck verschidde Linne fuere kënnen an och, datt eng Linn iwwer verschidde Strecke fuere kann. Eisebunnsstrecke besti fir de Persounen- wéi och fir de Giddertransport.

Mam Begrëff ligne de chemin de fer gëtt a franséischsproochege Länner de Begrëff „Eisebunnsstreck“ och synonym fir „Eisebunnslinn“ benotzt. D'lëtzebuergesch Eisebunnsverwaltung bezeechent d'Strecken och als ligne^[1].

Beispiller

Lëtzebuerg

• d'Streck Lëtzebuerg - Ëlwen gëtt vun de Linne Lëtzebuerg - Ettelbréck - Ëlwen - Gäilech a Rodange - Esch-Uelzecht - Lëtzebuerg - Ëlwe befuer;
• d'CFL-Linn Lëtzebuerg - Esch-Uelzecht - Rodange fiert iwwer d'Strecke 6 (Lëtzebuerg - Beetebuerg), 6a (Beetebuerg - Esch-Uelzecht), 6f (Esch-Uelzecht - Péiteng), a 6g (Péiteng - Rodange).

Kuckt och

• Lëscht vun de lëtzebuergeschen Eisebunnsstrecken
• CFL-Zuchreseau
• Stater Tram

Um Spaweck

Commons: Eisebunnsstreck – Biller, Videoen oder Audiodateien

Referenzen

1. Réseau Ferré Luxembourgeois - Document de Référence du Réseau 2026, Version 1.0