Françoise Hardy

D'Françoise Madeleine Hardy, gebuer de 17. Januar 1944 zu Paräis, an och do den 11. Juni 2024 gestuerwen^[1], war eng franséisch Chansonsängerin, Texterin a Komponistin.

Françoise Hardy
Gebuer	17. Januar 1944 9. Arrondissement
Gestuerwen	11. Juni 2024 Neuilly-sur-Seine
Doudesursaach	Kriibs an der Schléck
Nationalitéit	Frankräich
Educatioun	Faculté des lettres de Paris
Aktivitéit	Astrologin, Sängerin, Lidderméchesch, Schrëftstellerin, Schauspillerin, Liddermécher
Droits d'auteur	Wierker sinn duerch Droits d'auteur geschützt
Famill
Bestuet mat	Jacques Dutronc
Kanner	Thomas Dutronc

Si war absënns an den 1960er Jore bekannt, wou si mat hire Lidder wéi Tous les garçons et les filles, Je suis d’accord oderLe Temps de l'amour vill Succès hat. Si huet hir Lidder och op Englesch, Italieenesch, Däitsch, Spuenesch a Portugisesch opgeholl. 1963 huet si Monaco beim Grand Prix Eurovision de la Chanson mat L'amour s'en va representéiert.

An de Joerzéngten dono hat si deen een oder anere Come-back, koum awer net méi un de Succès vun den Ufanksjoren erun.

Si war mam Jacques Dutronc bestuet, mat deem s'e Jong, den Thomas Dutronc hat, deen och Sänger ass.

Filmographie

Kino

• 1963: Château en Suède - Regie: Roger Vadim - Haaptacteuren: Monica Vitti, Jean-Claude Brialy
• 1965: What's new Pussycat? - Regie: Clive Donner - Haaptacteuren: Peter Sellers, Romy Schneider
• 1965: Altissima pressione - Regie: Enzo Trapani - Haaptacteuren: Gianni Morandi, Rosemary Dexter
• 1966: Une balle au coeur - Regie: Jean-Daniel Pollet - Haaptacteuren: Sami Frey, Jenny Karezi
• 1966: Masculin féminin - Regie: Jean-Luc Godard - Haaptacteuren: Jean-Pierre Léaud, Marlène Jobert
• 1966: Grand Prix - Regie: John Frankenheimer - Haaptacteuren: James Garner, Eva Marie Saint, Yves Montand
• 1972: Les colombes - Regie: Jean-Claude Lord - Haaptacteuren: Jean Besré, Lise Thouin

Um Spaweck

Commons: Françoise Hardy – Biller, Videoen oder Audiodateien

Referenzen

1. Françoise Hardy, icône de la culture pop, est morte. lemonde.fr, 11.06.2024.