GUDD!

GUDD! oder Gud:-)! ass eng Zäitschrëft vum Ministère fir Landwirtschaft, Wäibau a Schutz vun de Konsumenten, déi zweemol am Joer erauskomme soll a gratis un all Stéit verdeelt gëtt. Am Oktober 2016 koum se eng éischt Kéier an enger Oplo vun 240.000 Exemplaren eraus.^[1]

Do Logo vu „Gudd!“ op der Decksäit vun der Ausgab 14 (September 2023)

Et geet an der Zäitschrëft drëm, an enger Zäit vun Iwwerkonsum, d'Konsumenten z'informéieren an ze sensibiliséieren a Saachen Ernierungssécherheet, Ernierung a Konsum. Se riicht sech deemno un all grouss a kleng Konsumenten zu Lëtzebuerg, awer och un d'Léierpersonal wéi un d'Acteuren aus der Landwirtschaft.

Kontrovers zur Schreifweis vum Titel

D'ADR huet dat Maachwierk kritiséiert, och wéinst dem Titel: "„Gudd“ soll wuel dat Lëtzebuerger Adjektiv „Gutt“ sinn"^[2]. An engem extrae Communiqué äntwert d'Editiounsfirma Maison Moderne , datt GUDD!, woubäi dee leschten D um Bauch läit, e Logo a kee Lapsus wier. Gud:-)! wier d'Zesummesetze vu Gutt a Good.^[3]. An deem Sënn wier dëse Logo am Geescht vum neien Nation Branding.

Referenzen

1. Virstellung vun der Zäitschrëft um Site vum Landwirtschaftsministère Archivéiert de 06.01.2017. Gekuckt den 08.11.2016.
2. Gudd keng gutt Broschür
3. Logo amplaz Lapsus Gutt + Good = Gud:-)!