Garer Quartier (Stad Lëtzebuerg)

De Garer Quartier, oder kuerz d'Gare, ass ee vun de 24 offizielle Quartiere vun der Stad Lëtzebuerg a läit am Zentrum vun der Haaptstad. Den Numm huet e vun der Stater Gare, déi do läit.

Garer Quartier
Vue op de Garer Quartier (2019)
An anere Sproochen	fr: Quartier de la Gare de: Bahnhofsviertel
Land	Lëtzebuerg
Kanton	Lëtzebuerg
Gemeng	Lëtzebuerg
Buergermeeschter	Lydie Polfer (DP)
Awunner	11.360
	31. Dezember 2024
Fläch	105,25 ha
Koordinaten	49° 36’ 06’’ N       06° 07’ 54’’ O

D'Al an d'Nei Avenue verbannen e mat der Uewerstad vun der Stad.

Geographie

De Quartier ass 105,25 Hektar grouss a läit op enger Héicht tëscht 250,3 an 295,6 m. E grenzt am Norden un d'Uewerstad an dann, am Sënn vun der Auer, un d'Quartiere Gronn, Bouneweg-Nord/Verluerekascht, Bouneweg-Süd, Gaasperech an Hollerech.

Am Nordwesten an Norde mécht d'Péitruss d'Grenz mat den Nopeschquartieren.

Awunner

Enn 2015 hunn am Garer Quartier 9.930 Leit gewunnt, dovu 15,78 % Lëtzebuerger a 84,22 % Auslänner. Op den 31. Dezember 2024 waren et 11.360 Leit. Den Undeel vun de Lëtzebuerger louch bei 17,89 % géintiwwer 82,11 % Auslänner. Déi am meescht representéiert Nationalitéit sinn d'Fransousen; d'Lëtzebuerger kommen eréischt op der zweeter Positioun. Et ass och den eenzege Stater Quartier wou d'Lëtzebuerger Bevëlkerung net op der éischter Plaz ass^[1].

Nationalitéiten op der Gare (31. Dezember 2024)^[1]

Rang	Nationalitéit	Awunner	Prozent
	TOTAL	11 360	100,00
1	Frankräich	2 355	20,73
2	Lëtzebuerg	2 032	17,89
3	Portugal	1 459	12,84
4	Italien	1 024	9,01
5	Spuenien	468	4,12
6	Belsch	356	3,13
7	Rumänien	270	2,38
8	Däitschland	254	2,24
9	Griicheland	216	1,90
10	Indien	203	1,79
	Top 10	8 637	76,03
	Aner Nationalitéiten	2 723	23,97

Galerie

• 
  De Garer Quartier ronderëm d'Nei Avenue (Av. de la Liberté)
• 
  D'Gare Lëtzebuerg (2011)
• 
  D'Gebai 19 Liberté, dat fréiertArbedsgebai
• 
  D'Villa Clivio
• 
  D'Paräisser Plaz mam Hôtel de Paris (hanne lénks am Bild) (2021)
• 
  D'Spuerkeessgebai op der Metzer Plaz

Literatur

• Anen, Nicolas, 2012. Interview mit Historiker Robert L. Philippart über die Entwicklung des städtischen Bahnhofsviertel. Das Bahnhofsviertel ist ein Durchgangsort. Luxemburger Wort vum 27. September 2012, Bäilag Semaine nationale du logement 2012, S. 14-15.

Kuckt och

• Kierch Lëtzebuerg-Gare
• Gare Lëtzebuerg
• Arbedsgebai
• Villa Clivio
• Villa Pauly

Um Spaweck

Commons: Garer Quartier (Stad Lëtzebuerg) – Biller, Videoen oder Audiodateien

• Lëtzebuerger Guiden a Scouten Grupp Sacré-Coeur Lëtzebuerg-Gare

Referenzen

1. Stad Lëtzebuerg, La ville en chiffres - État de la population au 31.12.2024.