Jaws

Jaws ass en US-amerikanesche Spillfilm aus dem Joer 1975 vum Steven Spielberg, deen um Bestseller-Roman mam selwechten Titel vum Peter Benchley baséiert, deen dat Joer virdrun erauskoum.

Jaws

Film
Produktiounsland	USA
Produktiounsjoer	1975
Première	20. Juni 1975
Dauer	124 min
Faarf	Faarweg
Format	2,35:1 .
Filmformat	35 mm
Originalsprooch	Englesch
Ekipp
Regie	Steven Spielberg
Dréibuch	Peter Benchley Carl Gottlieb
Fotografie	Bill Butler
Musek	John Williams
Schnëtt	Verna Fields
Dekoren	Robert S. Smith
Produzent	David Brown Richard D. Zanuck
Produktiouns- gesellschaft	Universal Studios
Schauspiller
Roy Scheider als Martin Brody Robert Shaw als Quint Richard Dreyfuss als Matt Hooper Lorraine Gary als Ellen Brody Murray Hamilton als de Buergermeeschter Vaughn Carl Gottlieb als Ben Meadows Jeffrey Kramer als Lenny Hendricks Susan Backlinie als Chrissie Watkins Jonathan Filley als Tom Cassidy Chris Rebello als Michael Brody Jay Mello als Sean Brody Craig Kingsbury als Ben Gardner Lee Fierro als Mrs. Kintner Jeffrey Voorheesals Alex Kintner Robert Nevin als Medezin-Expert Peter Benchley als Interviewer
Filmportal - Filmer no Joren - Film no Länner - Film no Genre

Ëm wat geet et am Film?

Nodeems an der Vakanzenuertschaft Amity eng Schwëmmerin moies an der Schummerecht vun engem Hai ëmbruecht gi war, insistéiert de Chef vun der Police, de Martin Brody, datt d'Plagë gespaart solle ginn. De Buergermeeschter an d'Geschäftsleit fäerten, datt doduerch d'Recettë vun der Vakanzesaison an d'Waasser fale géifen, a wëllen dat verhënneren. Mee scho kuerz drop muss e klenge Jong, deen op senger Loftmatrass am Waasser puddelt, dru gleewen. Hektesch gëtt eng Juegd op den Hai ausgeruff...

Soss

Den Titel ass de wëssenschaftleche Begrëff op englesch fir d'Maul vun Déieren (jaw heescht "Gebéck"). De Film war en aussergewéinleche Succès - en huet eng 7 Milliounen Dollar kascht, an der weltwäit 470 Milliounen abruecht. Zwee Joer laang, bis Star Wars erauskoum, war et dee Film mam gréisste kommerzielle Succès. Déi zwéi Filmer hunn dann och d'Ära vun de Blockbuster agelaut.

Den John Williams krut 1976 den Oscar fir déi bescht Filmmusek. Ausserdeem gouf et sou eng Statu fir déi bescht Tounmëschung an de beschte Schnëtt.

Wéinst sengem Succès gouf et 3 Suitten (Jaws 2 bis 4), souwéi eng Abberzuel B-Filmer, déi sech méi oder manner staark um Sujet "inspiréiert" hunn. Allgemeng koumen dono all méiglech "Déiere-Katastrophefilmer" eraus, wou vu Beien iwwer Piranhae bis zu Krokodillen, all dat Gedéiesch näischt Besseres ze dinn hat, wéi Mënschen unzegräifen.

Am Film 1941 parodéiert de Spielberg - mat där selweschter Schauspillerin - seng eegen Ufankssequenz vun Jaws.

Um Spaweck