Liewel

Liewel (lokal: Leewel^[1]) ass eng Uertschaft an der Gemeng Biekerech. Zu Liewel gëtt et eng Kapell an 20 Haiser dovu si 5 grouss al Bauerenhäff an eng al Millen.

Liewel Leewel
Aussprooch
An anere Sproochen	fr: Levelange de: Levelingen
Land	Lëtzebuerg
Kanton	Réiden
Gemeng	Biekerech
Buergermeeschter	Thierry Lagoda
Awunner	55
	12.07.2006
Fläch	222,3486 ha
Koordinaten	49° 44’ 21’’ N       05° 51’ 18’’ O

Geographie

Liewel läit am Dall vun der Pall an engem Dräieck dee vun den Nationalstroossen N 24 an N 22, an dem CR301 gemaach gëtt, an tëscht Uewerpallen a Biekerech. Zu Lëtzebuerg stéisst et nach un d'Gewan vun Ell a vu Kolpech an op der Belscher Säit am Süde läit op der Kopp Giisch.

Liewel läit zum gréissten Deel um Lëtzebuerger Sandsteen a just den Deel op Ell zou mam Stiefeschbësch huet méi schwéier Biedem.

Den héchste Punkt vu Liewel läit beim Geessebierg no bei der Quell vun der Merelbaach op enger Héicht vun 300 m, a seng déifst Plaz ass op 276 m an der Grousswiss.

Kuckt och

• Kapell vu Liewel
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

• Offiziell Säit vun der Gemeng Biekerech

Referenzen an Notten

1. Lëscht vun den Uertschaften a Lieu-diten zu Lëtzebuerg. CPLL - Conseil permanent de la langue luxembourgeoise Archivéiert den 11.08.2020. Gekuckt de 14.06.2020.