Maurice Couve de Murville

De Maurice Couve de Murville, gebuer 1907 zu Reims an der Marne, an 1999 zu Paräis gestuerwen, war en héije franséische Staatsbeamten, Diplomat a Politiker.

Maurice Couve de Murville
Gebuer	24. Januar 1907 Reims
Gestuerwen	24. Dezember 1999 7. Arrondissement
Nationalitéit	Frankräich
Educatioun	Faculté de droit de Paris, Lycée Louis-le-Grand, Institut d'études politiques de Paris, Lycée Carnot
Aktivitéit	Politiker, Diplomat, Ambassadeur, Beamten
Partei	Rassemblement pour la République, Union des démocrates pour la République, Union pour la nouvelle République
Fonctioun	Deputéierten, Franséische Senateur, Premierminister vu Frankräich, Ambassadeur, President
Gielercher	Grand officier de la Légion d'honneur‎, Ordre de la Francisque, Bayerischer Verdienstorden
Famill
Bestuet mat	Véra Fabre

Hie gouf den 31. Mee 1968 vum President Charles de Gaulle als Wirtschafts- a Finanzminister genannt, an am Juli 1969 als Premierminister amplaz vum Georges Pompidou.

Zweete Weltkrich / Vichy-Regime

Am September 1940 gouf de Finanzinspekter Maurice Couve de Murville vum Vichy-Regime zum Directeur des Finances extérieures et des Changes ernannt a gouf och Member vun der franséischer Delegatioun an der Waffestëllstandskommissioun déi zu Wiesbaden ageriicht gi war. Do war hien den Däitschen hiren Interlocuteur fir finanziell Froen. Am Mäerz 1943 huet de Couve de Murville sech dunn awer an Nordafrika ofgesat, wou e sech mam Generol Henri Giraud a Verbindung gesat huet, a spéider, wéi die sech op Drock vum Churchill a vum Roosevelt huet misse mam Chef vun der France libre, dem Generol Charles de Gaulle, verdroen^[1], krut hie Kontakt mam de Gaulle deen him awer laang net wierklech getraut huet^[2].

Literatur

• Conte, Arthur, Les Premiers Ministres de la Ve République; Paräis (Le Pré-aux-Clercs), 1986.
• Broche, François & Muracciole, Jean-François, Histoire de la Collaboration 1940-1945; Paräis (Tallandier / Texto), 2019. Ss. 110-111, 272 a 677 → Nott Nr. 35
• Cointet, Michèle, De Gaulle et Giraud: l'affrontement (1942-1944); Paräis (Perrin), 2005
• De Garate, Jean-Philippe, Couve de Murville, Un président impossible, Editions L'Harmattan, Paräis, 2007, 400 S.

Referenzen

1. Michèle Cointet, an der Literatur
2. Éric Roussel, De Gaulle; Paräis (folio, 'biographies'), 2008; vgl. ë. a. S. 90