NGC 3603

Den NGC 3603 ass een Emissiounsniwwel am Stärebild Puppis, deen op enger Distanz vun 20.000 Liichtjoer vun eiser Äerd ewech läit. Den NGC 3603 ass am Carina-Aarm vun eiser Mëllechstrooss an ass ronn 26.000 Liichtjoer vum Zentrum vun eiser Galaxis ewech, ongeféier grad sou wäit ewech wéi eis Sonn.

Date vum NGC 3603
Emissiounsniwwel NGC 3603, Foto vum Hubble Space Telescope
Stärebild	Puppis
Positioun (Equinoxe: J2000.0)
Rektaszensioun	11h 15m 6,6s
Deklinatioun	-61° 15' 40"
Niwweltyp	Emissiounsniwwel
Visuell Magnitude	+9,1 m
Wénkelduerchmiesser	4' × 4'
Physikalesch Daten
Gehéiert zur	Mëllechstrooss
Distanz	20000 Liichtjoer
Absolutten Duerchmiesser	20 Liichtjoer
Katalognimm
NGC 3603, OCl 854, ESO 129-SC16, h 3334, GC 2354

Den NGC 3603 ass awer och en oppene Stärekoup, an deen de gréisste Koup vu Risestären, déi sougenannt Wolf-Rayet-Stären, an eiser Mëllechstrooss ass. Dee Stärekoup ass e ganz aktiivt H-II-Gebitt mat vill jonke Stären, déi ronn 2 Millioune Joer al sinn.

Lénks vum oppene Stärekoup steet de massive Stär Sher 25, um Hubble-Bild, lénks iwwer dem Stärekoup mat engem siichtbare Rank. De Sher 25 ass am Endstadium vu sengem Stäreliewen a wäert an noer Zukunft als Supernova explodéieren, d. h. an e puer 1.000 Joer. De siichtbare Rank ëm de Sher 25 sinn d'Reschter vun der Supernova 1987A.

Entdeckung

Den Emissiounsniwwel NGC 3603 gouf de 14. Mäerz 1834 vum britteschen Astronom John Herschel entdeckt.
2007 gouf am Emissiounsniwwel NGC 3603 dee bis elo eenzege Stär entdeckt, deem seng Mass iwwer 100 Sonnemasse läit. Hie gouf vu kanadeschen Astronome mat Hëllef vum Hubble-Weltraumteleskop an um Europäesche Südobservatoire fonnt a kënnt op e Gewiicht vun 114 Sonnemassen.^[1] Hie bilt mat engem 84 Sonnemasse schwéiere Stär en Duebelstäresystem (NGC 3603 A1). Fir eng weider Koppel vu Stären (WR 20a) goufe jee ronn 80 Sonnemasse berechent.

Kuckt och

Portal Astronomie

• Lëscht vun den NGC-Objeten
• Index-Katalog
• Messier-Katalog
• NGC-Katalog

Um Spaweck

Commons: NGC 3603 – Biller, Videoen oder Audiodateien

• Hubble Space Telescope
• Astronomie.de Chandra
• GoBlack
• Max-Plank-Gesellschaft
• University of Washington - Single Hubble picture captures key phases in the stellar life cycle
• Antilhue - Chile
• Capella Observatory
• Astronomy Picture of the Day – NGC 3603
• Astronomy Picture of the Day – Sher 25
• Astronomy Picture of the Day – SN 1987a
• SEDS
• NASA/IPAC EXTRAGALACTIC DATABASE

Referenzen

1. http://www.spiegel.de/wissenschaft/weltall/0,1518,487635,00.html