Norbert Hastert

Den Norbert Hastert, gebuer de 27. Februar 1942 an der Stad, ass e lëtzebuergesche Moler. Haut lieft a moolt hien zu Diddeleng.

Norbert Hastert
Gebuer	27. Februar 1942
Nationalitéit	Lëtzebuerg
Aktivitéit	Moler
Member vun	Cercle artistique de Luxembourg

Den Norbert Hastert op senger Ausstellung zu Conter (November 2005) mat engem vu senge Biller

Säi Liewen

Den Norbert Hastert huet de Lycée bis Première besicht. Konscht huet hien zu Tréier studéiert. Hien ass Member vum Cercle artistique de Luxembourg a vum Institut Européen de l'Aquarelle.

Ausstellungen

Dem Norbert Hastert seng Biller waren zu Lëtzebuerg ënner anerem zu Esch-Uelzecht, Steesel, Beetebuerg, Munneref a Klierf ze gesinn. Seng Biller hunn och de Wee an d'Ausland fonnt, sou si se zu Metz, Bréissel, Gand, Vittel, Paräis, Den Haag an Dublin gewise ginn.

Literatur

• Cent ans d'art luxembourgeois (1893-1993) (Band 2, Säit 202 an 203) (CAL)

Norbert Hastert: Vue op d'Stad

Kuckt och

• Lëscht vu lëtzebuergesche Konschtschafenden

Um Spaweck

• Den Norbert Hastert op der Websäit vum Cercle artistique de Luxembourg (fr)
• Websäit vum Norbert Hastert