Beetebuerg

Beetebuerg ass eng lëtzebuergesch Uertschaft am Süde vum Land, um rietsen Uwänner vun der Uelzecht, an den Haaptuert vun der Gemeng mat dem selwechten Numm.

Beetebuerg
An anere Sproochen	fr: Bettembourg de: Bettemburg
Land	Lëtzebuerg
Kanton	Esch-Uelzecht
Gemeng	Beetebuerg
Buergermeeschter	Laurent Zeimet (CSV)
Awunner	9.082
	1. Januar 2023
Fläch	1.224,9 ha
Koordinaten	49° 31’ 39’’ N       06° 05’ 80’’ O

Déi fréier Molkerei vu Beetebuerg (2008)

Geographie

Beetebuerg läit am Uelzechtdall do wou d'Diddelengerbaach an d'Uelzecht leeft.

D'Nopeschuertschafte vu Beetebuerg sinn:

• Fenneng
• Hunchereng
• Obeler
• Diddeleng
• Helleng
• Peppeng
• Léiweng
• Leideleng

Verkéier

Eisebunn

D'Gare vu Beetebuerg gehéiert zur CFL-Linn 6 a läit op der internationaler Streck Lëtzebuerg-Dijon.

D'Rangéiergare mat 28 Sënnergleiser gouf an den 1980er Jore gebaut a krut ee Container-Terminal derbäi. Doduerch ass Beetebuerg zu engem wichtege Glidd am internationale Wuerentransport op der Nord-Süd-Achs ginn.

Stroossen an Autobunnen

Beetebuerg hänkt um Stroossennetz iwwer d'Dräikantonstrooss an d'N31 an och iwwer den CR132 an den CR163.

Laanscht Beetebuerg mat dräi Uschlëss ginn d'Autobunn A13, an d'Autobunn A3.

Zu der Beetebuerger Mobilitéit gehéieren d'RGTR-Linnen 194, 200, 304, 305 an 307 an de Flexibus vun der Gemeng Beetebuerg deen ee gratis an der Gemeng Beetebuerg benotze kann.

Bettemburch ëm 1600, gemoolt vum Jean Bertels aus der Abtei Iechternach.

Geschicht

D'Beetebuerger Schlass

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

...

Zanter dem spéide 16. Joerhonnert hat d'Famill de Zievel aus der Äifel grouss Lännereien zu Beetebuerg. An de 1730er Joren huet se d'Beetebuerger Schlass, spéiderhin Clollarts Schlass genannt, baue gelooss.

...

An der Phas vun de Virbereedunge vum Debarquement hunn den 11. Mee 1944 35 amerikanesch B17-Fligeren um 19h38 d'Stellwierk an d'Gleisanlage vun der Beetebuerger Gare bombardéiert, mam Zil, den däitsche Raviltaillement fir d'Westfront ofzeschneiden. Déi meescht Bomme sinn awer derlaanscht gefall, et gouf 27 Doudeger ze bekloen, 40 Haiser goufen zerstéiert an 183 beschiedegt.^[1]

Kuckeswäertes

De Parc Merveilleux.

• Kierch Beetebuerg
• Collart Schlass
• Märchepark Beetebuerg

Natur an Ëmwelt

• De Projet Naturbëschreservat Naturbësch - Beetebuerger Bësch

Kino zu Beetebuerg

• Le Paris

Radio zu Beetebuerg

• Radio Locale Réiserbann-Betebuerg

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Beetebuerg – Biller, Videoen oder Audiodateien

• Offiziell Säit vun der Gemeng Beetebuerg
• Websäit vum Parc merveilleux zu Beetebuerg

Referenzen

1. "Ce jour où les bombes sont tombées sur Bettembourg." eise:buet N° 124 01.2024, S.18-19 (nogekuckt 13.03.2024).