Ombudsmann

En Ombudsmann, w.: Ombudsfra, fr: médiateur, médiatrice, ass e Vermëttler, dee vun enger offizieller Säit (z. B. enger Regierung oder engem Parlament) agesat gouf, fir d'Interesse vun de Bierger ze vertrieden, andeems se Plaintë vun eenzele Bierger iwwer Ofleef an den Administratiounen nogeet a versicht, eng Léisung ze fannen.

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Do dernieft gëtt et och Mediateuren, déi net vu Regierungen agesat goufen, an déi fir Veräiner, NGOen, Beruffsorganisatiounen (wéi z. B. déi vu Banken oder Telecoms-Entreprisen), asw. schaffen.

D'Wuert Ombudsman, am haitege Sënn, kënnt aus dem Schweedeschen, wou et zanter 1809 e parlamentaresche Mediateur gëtt. Vum Jean-Claude Juncker ass de Begrëff "Knoutermann", resp. "Knouterfra" an enger Regierungserklärung als lëtzebuergesch Iwwersetzung proposéiert ginn; e gëtt awer bis ewell kaum gebraucht.

Lëtzebuerger Ombudsman

Den Titel vun der Funktioun oder den Numm vun der Verwaltung zu Lëtzebuerg gëtt Ombudsman (mat just engem n um Schluss) geschriwwen^[1]; schwätzt ee vun der Persoun, ass et Ombudsmann an Ombudsfra.

Ombudsmann / Ombudsfra, Mediateur

De lëtzebuergeschen Ombudsman gouf duerch d'Gesetz vum 22. August 2003 agesat^[2].

Datum	Mediateur	Bemierkung
1. Mee 2004 – 2012	Marc Fischbach	Éischten Ombudsman zu Lëtzebuerg
1. Februar 2012 – 24. Abrëll 2017	Lydie Err	Nominatioun: ; Demissioun: Arrêté grand-ducal du 3 février 2017[3]
24. Abrëll 2017 – 2025	Claudia Monti	Arrêté grand-ducal du 5 avril 2017[4]
zënter dem 24. Abrëll 2025	Claudine Konsbruck	Arrêté grand-ducal du 31 mars 2025[5]

Den Ombudsman fir d'Rechter fir Kanner a Jugendlecher

De Lëtzebuerger Ombudsman fir Kanner a Jugendlecher gouf mam Gesetz vum 1. Abrëll 2020 an d'Liewe geruff^[6].

Datum	Ombudsman	Bemierkung
28. Juli 2020 – 2021	René Schlechter	Éischten Ombudsman fir Kanner a Jugendlecher zu Lëtzebuerg; Arrêté grand-ducal du 23 juillet 2020[7]
1. Februar 2021	Charel Schmit	Arrêté grand-ducal du 9 janvier 2021[8]

Literatur

• Udo Kempf and Marco Mille: "The role and the function of the Ombudsman: Personalised parliamentary control in forty-eight different states." In: Linda C. Reif (ed.): The International Ombudsmen Anthology. Selected writings from the international Ombudsmen Institute, Kluwer Law international 1999, S.195-226. ISBN 9041104909 Op Google Books

Kuckt och

• Europäeschen Ombudsmann

Um Spaweck

• D'Regierungserklärung vun 2001, wou de "Knoutermann" an d'"Knouterfra" virgestallt ginn
• Offiziell Websäit vum Lëtzebuerger Ombudsman
• OKaJu - Offiziell Websäit vum Ombudsman fir Kanner a Jugendlecher
• Alexandra Thill, Der neue Ombudsman - Claudine Konsbruck: „Ich will für die Bürger da sein“, wortl.lu, 10.06.2025

Referenzen

1. • « Dans sa mission de Médiateur du Grand-Duché de Luxembourg, l'Ombudsman reçoit des réclamations … » (cf https://www.ombudsman.lu/FR/MGDL-001.php)

   • « Ombudsman fir Kanner a Jugendlecher - OKaJu » (cf https://www.okaju.lu/saisir-lokaju/)
2. (fr) Loi du 22 août 2003 instituant un médiateur. data.legilux.public.lu (22.08.2003). Gekuckt den 12.06.2025.
3. (fr) Médiateur - Nomination. legilux.public.lu (03.02.2017). Gekuckt den 12.06.2025.
4. (fr) Médiateur - Nomination. legilux.public.lu (05.04.2017). Gekuckt den 12.06.2025.
5. (fr) Médiateur - Nomination. legilux.public.lu (31.03.2025). Gekuckt den 12.06.2025.
6. (fr) Loi du 1er avril 2020 instituant l’Ombudsman fir Kanner a Jugendlecher. data.legilux.public.lu (01.04.2020). Gekuckt den 12.06.2025.
7. (fr) Ombudsman fir Kanner a Jugendlecher - Nomination. legilux.public.lu (23.07.2020). Gekuckt den 12.06.2025.
8. (fr) Ombudsman fir Kanner a Jugendlecher - Nomination. legilux.public.lu (09.01.2021). Gekuckt den 12.06.2025.