Sentier des passeurs

Sentier des passeurs ass den Numm vun engem thematesche Wanderwee an de Gemengen Ëlwen a Wëntger. Am Mëttelpunkt vum Wee stinn d'Fluchtversich vu lëtzebuergesche Resistenzler, Zwangsrekrutéierten an alliéierten Aviateuren eriwwer an d'Belsch, mat Hëllef vu Passeuren, wärend de leschte Jore vum Zweete Weltkrich.

Sentier des passeurs

nërdleche Circuit „Grenz“
vu(n)	Ëlwen
op	Ëlwen
Längt	22,85 km
Land	Lëtzebuerg, Belsch
féiert duerch	Wëntger, Ëlwen

De Pad gouf de 15. Juli 2006 offiziell zu Ëlwen ageweit^[1].

De Wee, deen a grousse Linnen iwwer déi original Fluchtstreck vu fréier geet, féiert duerch d'Uertschaften Ëlwen, Biwesch, Aasselbuer a Saassel an ass am Ganzen 22,85 km laang. E besteet aus engem südleche Circuit „Resistenzuertschaft Saassel“ vun 10 km an engem nërdlechen „Grenz“ vun 12,85 km.

Déi aacht Statiounen um Pad

1. Saassel op der Knupp
2. Uewe bei der Pafemillen (Hanenhaff)
3. Iwwergank iwwer d'Bunn
4. Ëlwen Um Tipp
5. Am Knierchen
6. Bei de Weieren
7. Iwwergank Nonnebësch
8. Maison Rouge

De Projet "Sentier des passeurs" gouf 2006 vu follgender Partnerschaft realiséiert:

• Centre national de l'audiovisuel
• Gemeng Ëlwen
• Inneministère
• Islek ohne Grenzen EWIV
• Leader- Grupp Klierf-Veianen
• Naturpark Our (Coordinateur vum Projet)

E Kuerzfilm, an dem Zäitzeien zu Wuert kommen, ass am Kader vum Projet produzéiert ginn.

Literatur

• A. R. (Aloyse Raths), 2006. Inauguratioun vum "Sentier des Passeurs". Rappel 3/2006: 345-352.

Kuckt och

• La traversée des pays et des âges, e 47 km laange belsch-lëtzebuergesche Wanderwee an den Ardennen
• Lëscht vun den thematesche Wanderweeër zu Lëtzebuerg
• Borne du Passeur

Um Spaweck

Commons: Sentier des passeurs – Biller, Videoen oder Audiodateien

• Sentier des passeurs

Referenzen an Notten

1. Aloyse Raths 2006.