Supjesbox

Eng Supjesbox ass eng laang Box, déi ënnen un de Boxebee Bänner huet, déi ënner de Féiss erduerchginn (dohier den Numm, dee vu sous-pied ofgeleet ass), a solle verhënneren, datt sech d'Boxebeen eropstrëppen. Vill Ski- a Reitboxe gehéieren zu de Supjesboxen.

Eng Supjesbox aus den 1990er Joren

Am Reenert ernimmt de Michel Rodange déi Zort Box am néngte Gesank (Vers 296)^[1]:

Dir wësst, ech war Ramplassang,
Ramplassang fir e Fochs;
Ech hat e grénge Mantel
An och eng Supjesbox.

Am Michel Lentz sengem De Fräsch an den Ochs gëtt déi "Bochs" vun engem Ochs gedroen. An der drëtter Stroph an der Welter-Engelmann-Schreifweis steet:

Hei ko'm um Summerwe e gro'sse schwe'ren Ochs

Op he'ge Spillebên an enger Zupjesbochs

Am Lengent bis un d'Nues, wern'ert Stiwlen un,

E Schnëppel op de Mo'd mat enger Kastors Dunn.

Referenzen an Notten

1. an der Schreifweis vun 2019