Tilly Decker

D'Mathilde, genannt Tilly Decker, gebuer den 10. Januar 1930 zu Esch-Uelzecht, ass eng fréier lëtzebuergesch Liichtathleetin an Olympionickin.^[1]

Tilly Decker
Gebuer	10. Januar 1930 Esch-Uelzecht
Nationalitéit	Lëtzebuerg
Aktivitéit	Liichtathleetin
Veräin/Ekipp	Fola Esch
Huet matgemaach bei	Olympesch Summerspiller 1948

Karriär[2]

D'Tilly Decker war Member an der Fola an déi éischt lëtzebuergesch Sprinterin. Si huet den 19. August 1945 mat 13,2" den éischte Landesrekord am 100-Meter-Laf opgestallt. Duerno huet si dëse Rekord dräimol verbessert, fir d'lescht op den Olympesche Summerspiller 1948 zu London^[3] wou si ënner 38 Konkurrentinnen aus 21 Natioune mat engem Chrono vun 12,4" op déi 5. Plaz koum. Am 200-Meter-Laf koum si ënner 33 Konkurrentinnen aus 17 Natiounen an enger Zäit vu 26,7" och op déi 5. Plaz.

Si konnt de Rekord op den 100-Meter iwwer 17 Joer halen, ier en 1964 vun der Manuela Kaufhold gebrach gouf.

Auszeechnungen

• Chevalier de l'Ordre de Mérite du Grand-Duché de Luxembourg^[4]
• 1998 gouf si mam Éierepräis vum „Lëtzebuergesche Sportler vum Joer“ ausgezeechent

Kuckt och

• Portal Sport
• Lëscht vu lëtzebuergesche Sportler
• Lëscht vu lëtzebuergeschen Olympionicken
• Lëtzebuergesch Sportler vum Joer

Referenzen

1. D'Tilly Decker op der Websäit vu sports-reference.com
2. Gricius, Pierre. Luxemburger Sportlerinnen bei den olympischen Spielen 1924 - 2012. Luxembourg: Conseil national des femmes, 2013. Print. S. 42-43. ISBN 978-2-9599734-5-1
3. D'Tilly Decker op der Websäit vun der Association Luxembourgeoise des Olympiens Archivéiert den 09.03.2016. Gekuckt de 04.02.2011.
4. 30-06-2008:Promotion dans les ordres nationaux »: Les anciens « Olympiens » luxembourgeois à l'honneur