Vallauris

Vallauris ass eng Gemeng a Frankräich, am Departement Alpes-Maritimes an der Regioun Provence-Alpes-Côte d'Azur. Si läit um Stadgebitt vun Sophia-Antipolis, a gehéiert als Vieruertschaft zu Antibes, an zwar op der westlecher Säit.

Vallauris
Weeschëld viru Vallauris Weeschëld viru Vallauris
Land	Frankräich
Regioun	Provence-Alpes-Côte d'Azur
Departement	Alpes-Maritimes
Arrondissement	Grasse
Kanton	Antibes-1
Postcode	06220
Gemengecode	06155
Koordinaten	43° 36’ 03’’ N       06° 59’ 44’’ O
Fläch	1 304 ha
Bevëlkerung	26 595 (2012)

Kultur

1948, ass de Moler Pablo Picasso op Vallauris komm an huet do bis 1955 gewunnt. Vallauris ass bekannt wéinst sengen Atelieren déi Faïence- a Keramikartikele fabrizéieren. A sou engem Atelier huet de Picasso du geschafft an huet do Molereien a Skulpturen entworf. Bekannt Keramiste waren deemools de Roger Capron a Charles Voltz. Vill eeler Awunner vu Vallauris erënnere sech haut nach un hien an u seng Zäitgenossen, a seng Partnerin vun 1944 - 1953 d'Françoise Gilot an hir Kanner Claude a Paloma, an och d'Jacqueline Roque, seng lescht Partnerin, mat där hie sech den 2. Mäerz 1961 zu Vallauris bestuet huet.

Kuckeswäertes

• Picasso-Musée
• Kierch, an där sech vill Koppelen, dorënner munnech prominent Leit, wéi d'Rita Hayworth an den Aly Khan bestuet hunn.
• de Maart zu Vallauris
• d'Statu De Mann mam Schof, déi de Picasso der Uertschaft Vallauris geschenkt huet an déi op der Plaz virun der Kierch opgestallt ass.

Fotoalbum

• 
  Kierch vu Vallauris
• 
  Picasso-De Mann mam Schof
• 
  Picasso-Musée
• 
  Blummemaart

Kuckt och

• Departement Alpes-Maritimes
• Arrondissementer am Departement Alpes-Maritimes
• Kantonen am Departement Alpes-Maritimes
• Lëscht vun de Gemengen am Departement Alpes-Maritimes

Um Spaweck

Commons: Vallauris – Biller, Videoen oder Audiodateien

• Offiziell Säit vu Vallauris (fr)