Krimpen aan den IJssel
From Wikipedia, the free encyclopedia
Remove ads
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.png)
Krimpen aan den IJssel is 'n plaots en gemeinte in de Nederlandse provincie Zuid-Holland, in 't noordweste vaan de Krimpenerweerd, mèt 'n oppervlak vaan 8,95 km2 (daovaan 1,28 km2 water) en (1 jannewarie 2022) 29.415 inwoeners.
Remove ads
Historie
Krimpen aan den IJssel vörmde in 't verleie mèt Krimpen aan de Lek (gemeinte Nederlek) 'n einheid es gehöch verspreid euver e relatief groet gebeed. De plaots Krimpen weurt veur 't iers geneump in 1277. Allewel tot 't de groetste plaots vaan de Krimpenerweerd waor bleef 't langen tied nogal lendelek vaan karakter. De koms vaan e steinfebrik en 'ne sjeepswerf brach hei e bitteke verandering in. Evels waor de weerd (e bediek eiland tösse revere in) neet anders es mèt e puntsje te bereike.
Bij de Watersnoedramp vaan 1953 sjeelde 't weineg of de dieke bij d'n Hollandsen Iesel braoke door. Um dees reje woort tösse Krimpen en Capelle aan den IJssel 'n störmvloodkiering gebouwd, die in 1958 es ierste vaan de Deltawerke veerdeg kaom. Dees kiering waor ouch 'n brögk, zoetot Krimpen 'n rechstreekse verkeersverbinding kraog mèt o.m. Rotterdam. Sinsdeen is de plaots sterk gegreujd tot 'n Rotterdamse veurstad; allewijl is de gemeinte bekans touwgebouwd.
Remove ads
Externe link
Remove ads
Wikiwand - on
Seamless Wikipedia browsing. On steroids.
Remove ads