-in

Mofers

Achterveugsel

Lemma

-in /ɪ̀n/

1. vörmp de vrouwelike vorm van e mannelik zelfstenjig naamwaord det meis sleit op 'n functie of e zeker amb

Raod

't Achterveugsel "-in" is ummer beklemtoeandj. De mieëvaadsoetgank achter 't achterzitsel wuuert altied oetgespraoke mit 'ne volle sjwa /ə/ dae noeatj 'n /e/ genieëk; d'n oetgank vannen diminutief daotaenge wuuert waal verhuueg oetgespraoke.

Aafbraeking

• in

Verwantje wäörd

• -er, -es

Aafleijinge

• abbin, aezelin, agentin, akrebatin, anarchistin, aristokratin, arsjitektin, baerin, baskin, bazin, boerin, danserin, devin, dimmekratin, dimmenstrantin, duvelin, elfin, gaodin, graovin, heidin, hertogin, juuddin, keizerin, keuningin, kómmunistin, kómpenistin, kriegerin, laborantin, laevesgezellin, lieërerin, lieëwin, markiezin, meisterin, pruzin, róssin, slavin, studentin, tirrepuitin, vriegezellin, vrindin, zengerin

Grammaer

Van aadshaer oet komen allein de achterveugsele -se en -in veur. Allewiel waere dees ummertoe mieë vervange door 't nuuj achterveugsel -ster det oet 't Nederlandjs kump. E deil waord haet aevel van aadshaer oet ónslaagmieësige vrouwelike vörm, wie aktries en prinses.

Verbuging

		inkelvaad		mieëvaad
		radikaal	liaison	radikaal	liaison
nom.	sjrif	-in		-inne	-innen
	IPA	/-ɪ̀n/		/-ɪ̀nə/	/-ɪ̀nən/
dim.	sjrif	-inke	-inken	-inkes
	IPA	/-ɪ̀n̥kʲe/	/-ɪ̀n̥kʲen/	/-ɪ̀n̥kʲes/	/-ɪ̀n̥kʲez/