![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9b/Calla_palustris2.jpg/640px-Calla_palustris2.jpg&w=640&q=50)
Кала
From Wikipedia, the free encyclopedia
Кала (украсна кала, мочуришна кала) е род на цветни растенија во фамилијата Araceae кој содржи само еден вид - Calla palustris. Тоа природно расте во ладните умерени региони во северната полутопка, во централните, источните и северните делови од Европа (Франција и Норвешка, и на исток од нив), северна Азија и северните делови од Северна Америка (Алјаска, Канада, североисточните делови од САД).
![Thumb image](http://upload.wikimedia.org/wikipedia/commons/thumb/0/02/Illustration_Calla_palustris0.jpg/640px-Illustration_Calla_palustris0.jpg)
![Thumb image](http://upload.wikimedia.org/wikipedia/commons/thumb/c/cf/Calla_palustris0.jpg/320px-Calla_palustris0.jpg)
Calla palustris - Украсна кала | |
---|---|
![]() | |
Научна класификација | |
Царство: | Plantae |
Нерангирано: | Скриеносемени |
Нерангирано: | Монокотиледони |
Ред: | Alismatales |
Семејство: | Araceae |
Потсемејство: | Calloideae |
Род: | Calla |
Вид: | C. palustris |
Научен назив | |
Calla palustris Л. | |
Калата е ризоматично тревесто повеќегодишно растение кое расте по блата и бари. Листовите се кружни до срцевидни, 6–12 cm долги и се наоѓаат на лисна дршка широка 4–12 cm. Зеленкасто-жолтото соцветие се издигнува на спадикс долг околу 4–6 cm, затворен со бела спата. Плодот е грозд составен од црвени бобинки, од кои секоја содржи по неколку семиња.
Растението е многу отровно кога е во свежа состојба како резултат на присуството на оксална киселина, но ризомот, како тој на каладиумот, колоказијата и арумот, е јадлив по негово соодветно сушење, лупење и варење.
Овој род порано вклучувал и неколку други видови, кои сега се префрлени во одделниот род Zantedeschia. Овие растенија се од тропска Африка и сѐ уште се именуваат како "кала лилјани", но тие не треба да се помешаат со C. palustris.