Ѓеврек

Ѓеврекот е вид на печиво со прстенест облик вообичаено посипан со сусам или поретко со мак или сончогледови семки. Карактеристичен е за кујните во земјите од бившата Отоманско Царство и Блискиот Исток.

Ѓеврек

Вид	леб
Регион	Источна Европа и Западна Азија
Главни состојки	брашно, сусам

Во Македонија има два вида на ѓевреци, обичен и варен ѓеврек.

Име

Зборот ѓеврек е од турско потекло и истиот значи крцкав, крт.

Потекло

Ѓеврекот има долга историја. Архивски извори кажуваат дека ѓеврекот се произведувал во Истанбул во 1525 година^[1], а судски списи од 1593 година даваат информација за првата стандардизација на тежината и цената^[2]. Евлија Челебија, патописец од XVII век, запишал дека во триесеттите години на овој век, во Истанбул имало 70 пекарници за ѓевреци^[3].

Ѓеврекот и неговите варијанти биле прифатени ширум Отоманското Царство.

Гастрономија

Ѓеврекот најчесто се јаде за појадок или ужина, сам или во комбинација со некој пијалак како јогурт или ајран.

Ѓеврекот се продава во продава во продавниците за печива, во бурекчилниците, и на улици од улични продавачи – ѓеврекчии. Ѓеврекчиите имаат колички затворени со стакло во кои ги носат ѓевреците.