Сончоглед

Сончогледот (науч. Helianthus annuus) е едногодишно растение од семејството на штитоцветните кое потекнува од Америка. Името му потекнува од големите цветови, чиј облик е слична на сонце, но и поради навиката да се врти кон сонцето во склад со неговото движење по небото.

Сончоглед
Научна класификација
Царство:	Растенија
Нерангирано:	Скриеносеменици
Нерангирано:	Евдикоти
Нерангирано:	Астериди
Ред:	Штитовидни
Семејство:	Главоцветни
Потсемејство:	Сончогледи
Род:	Сончоглед
Научен назив
Helianthus annuus L.

Надворешни определници за Сончоглед
NCBI-таксономија	4232
ITIS	36616
Енциклопедија на живиот свет	468106
uBio NameBank	656731
Воедно и на: Викивидови

Потекло

Сончогледот потекнува од југозападниот дел на Америка, Перу и Мексико. Постојат податоци дека сончогледот се одгледувал пред 3.000 година од страна на северноамериканските индијанаци, кои ги мелеле семките во брашно и ги додавале во лебот со што правеле и масло од сончоглед.

Маите го почитувале сончогледот како симбол на светлината и плодноста. Исто така правеле чај од лутица и ги јаделе семките.

Во почеткот на 16.век мисионсри го пренеле од Америка во Европа и веќе во 17. век неговото одгледување се проширило по цела Европа.

Одгледување и распространетост

Сончогледот спаѓа во индустриските култури во земјоделството, поточно во маслодајни култури, поради тоа што неговата употреба во најголем дел е преку индустриската обработка на семките од кои се произведува сончогледово масло кое е едно од најраспространетите рафинирани масла за јадење. Сончогледот најмногу се одгледува во Русија, Франција, Германија каде започнал да се одгледува во текот на Втората светска војна, ширум Јужна Европа, САД. Сончоглед се одгледува и во Македонија и тоа највеќе е застапен во Пелагонија, Повардарието, Струмичко, Штипско, како и во Скопско и Полог.

Сончогледот како тема во уметноста и во популарната култура

• „Сончоглед“ — песна на Андре Бретон.^[1]
• „Сончогледи“ (српски: Suncokreti) - песна на српскиот поет Јован Дучиќ.^[2]
• „И сончогледите спијат“ — песна на македонскиот писател Видое Подгорец.^[3]
• „Сончогледи“ - поетски циклус на македонскиот поет Анте Поповски.^{[4] [5]}
• „Сончогледи“ — песна на македонскиот писател Бошко Смаќоски.^[6]
• „Еден ден ќе ти купам вреќа сончоглед“ — краток расказ на македонската писателка Оливера Ќорвезироска од 2021 година.^[7]

Галерија

• 
  Сончогледи во Пелагонија.
• 
  Сончогледи во Пелагонија.
• 
  Сончогледи во Пелагонија.
• 
  Сончогледи во Пелагонија.
• 
  Сончогледи во Пелагонија.
• 
  Сончогледи во Пелагонија.
• 
  Сончогледи во Пелагонија.
• 
  Сончогледи во Пелагонија

Поврзано

• Сончогледово масло
• Шарлаган

Надворешни врски

• Сончоглед на Ризницата ^?
• Сончоглед (Helianthus annuus) на Викивидовите ^?