Ѓорѓи Лазаров

Ѓорѓи Павлов Лазаров (1868 во Кнежево — не порано од 1955 година) — македонски револуционер, учесник во македонското револуционерно движење, член и војвода на Македонската револуционерна организација.^[1]

Ѓорѓи Лазаров
Роден	1868 Кнежево, Кратовско
Починал	не порано од 1955 ФНРЈ
Познат	македонски револуционер

Животопис

Лазаров е роден во селото Кнежево, Кратовско. Потекнувал од сиромашно селско стопанство, кое се занимавало со правење ќумур. Уште од почетокот бил еден од најактивните селани во селото во движењето на ТМОРО, за ослободување на Македонија од османлиската власт, почнувајќи од 1900 до 1912 година.

Се зачленил во Организацијата во 1900 година, кога дошол првиот организатор на областа во селото, учителот Стоил Антов од Кратово. Тогаш Ѓорѓи Лазаров бил избран за курир.