Јанина (округ)

Јанина (грчки: Περιφερειακή ενότητα Ιωαννίνων) — округ во областа Епир, Грција. Главен град на округот е Јанина. Ова е најголемиот округ во Епир е меѓу најголемите во државата.

Јанина Περιφερειακή ενότητα Ιωαννίνων
округ
Општини во Јанина
Округот Јанина во Грција
Координати: 39°45′N 20°50′E
Земја	Грција
Област	Епир
Адм. центар	Јанина
Површина
• Вкупна	4.990 км2 (1,930 ми2)
Население (2011)
• Вкупно	167.901
• Густина	34/км2 (87/ми2)
Пошт. бр.	44x xx, 45x xx
Повик. бр.	265x0
ISO 3166	GR-33
Рег. таб.	IN
Мреж. место	nomioan.gr

Географија

Округот Јанина се граничи со Албанија на север, окрузите Костур на североисток, Гребен и Трикала на исток, Арта на југоисток, Превеза на југ и Теспротија на југозапад и запад.

Јанина е планински округ во кој доминира венецот Пинд на источниот дел. Помали вериги во состав на Пинд, од север кон југ, се следниве: Грамошта, Смолика (2.637 м, највиска во Пинд), Тимфи, Лигос, Пелистер (Лакмос) и Џумерка (Атаманика). Меѓу пониските планини, Ксеровуни е на југ, а Томар на југозапад.

Јанинското Езеро е најголемо езеро во Епир. Во округот извираат неколку поважни реки, меѓу кои Војуша, Арахтос и Ахерон.

Подрачјето на денешниот округ е припоено кон Грција во 1913 г. по Првата балканска војна, остварувајќи ги намерите на „Големата идеја“ (Мегали-идеја).

Општини

Јанинскиот округ е поделен на 8 општини. These are (прикажани со нивните броеви на картата во инфокутијата):^[1]

• Загори (4)
• Зица (5)
• Јанина (Јоанина) (1)
• Коница (6)
• Мечово (Мецово) (7)
• Северна Џумерка (Ворија Ѕумерка) (2)
• Погони (8)
• Црковишта (Додони) (3)

Сообраќај

• EO5/E55 Ј, Цен.
• EO6, З, Цен., И
• EO17, Ј, ЈЗ
• EO20/E55, Цен., СЗ, С
• EO26, СЗ
• Егнатија/E90, СЗ, Цен., СИ
• Јанински аеродром

Туризам

Како и највеќето од копнена Грција, Јанина не е популарна меѓу туристите колку островите. Сепак, ова подрачје има низа природни и историски знаменитости. Покрај градот Јанина, тие се:

• Црковишта (Додони) — археолошко наоѓалиште со пророчиште и амфитеатар.
• Национален парк Вик-Војуша — ја опфаќа клисурата Вик низ која тече реката Водоматица.
• селата во областа Загори, делумно во Националниот парк Вик-Војуша.
• загорското село Папинго — скијчако одморалиште и почетно место за планинарство и високогорство.
• планината Смолика (2.637 м) — втора по височина во Грција.
• Мечово — скијачки центар
• пештерите во Перама, неколку километри североисточно од Јанина.
• споменикот во Залонго во чест на жените од с. Сули.
• Воениот музеј во с. Калпаки.
• Бурзанскиот мост кај Мелисоптера.
• Музеј на грчката историја „Павлос Врелис“ — најпознатиот музеј на восочни фигури во Грција.

Спорт

Најголемиот фудбалски клуб во округот е „ПАС Јанина“. Помали клубови во округот се:

• „Авероф“
• „Велисарио“
• „Дафнула“
• „Елеуса“
• „Кефаловриси“
• „Мечово“
• „Мусјотица“

Литература

• Franz X. Bogner & Georgios Pilidis. Lake of Ioannina. 128 pages. ISBN 978-960-233-199-6. Ioannina 2010.

Поврзано

• Список на населени места во Јанинско

Надворешни врски

• Портал на округот Јанина Архивирано на 13 септември 2008 г.