Јованка Орлеанка

Јованка Орлеанка (фран.: Jeanne d'Arc^[1] ) (6 јануари 1412 — 30 мај 1431 ) — народна хероина на Франција и Светец на Католичката црква. Уште на 17 години, таа ја командувала француската кралска армија, убедувајќи го кралот Шарл VII да ги истера Англичаните од Франција и подоцна, овозможувајќи го неговото крунисување.

Света Јованка Орлеанка Jeanne d'Arc
Слика на Јованка Орлеанка од периодот меѓу 1450 и 1500 (Историски центар на националните архиви, Париз, AE II 2490).
Saint
Роден(а)	1412, Домреми , Свето Римско Царство
Починал(а)	30 мај 1431(1431-05-30) (возр. 19), Руан, Франција
Почитуван(а) во	Римокатоличка црква Англиканска заедница
Беатификација	18 април 1909, Богородична црква од Папа Пиј X
Канонизација	16 мај 1920, Базилика Свети Петар, Рим од Папа Бенедикт XV
Слава	30 мај
Заштитништво	France ; маченик; заробеник; војник; луѓе исмејувани својата побожност

Во 1429. на чело на неколку стотици Французи, кај Поатје ги победи англиските освојувачи и го зазеде градот Орлеан. Бургундијците ја заробуваат во 1430. и им ја предаваат на Англичаните, по што е осудена за ерес и запалена на кол во 1431 во градот Руан.

Во 19 век, таа е прогласена за француска национална хероина. Јованка Орлеанка е прогласена за светица од страна на Католичката црква на почетокот од XX век. Моментално, Република Ирска, Канада, Велика Британија и Соединетите Американски Држави покажуваат голем интерес во нејзините дејствија. Јованка Орлеанка се смета за силна жена полна решеност и вера.

Јованка Орлеанка како тема во уметноста и во популарната култура

Јованка Орлеанка се јавува како тема на повеќе дела во уметноста и популарната култура, како:

• „Јованка Орлеанка“ — опера на Џузепе Верди од 1845 година.
• „Јованка Орлеанка“ (англиски: Joan of Arc) — песна на канадскиот рок-музичар Леонард Коен од 1971 година.^[2]
• „Страдањето на Јованка Орлеанка“ (француски: La Passion de Jeanne d'Arc) — француски филм од 1928 година, во режија на Карл Теодор Драјер.^[3]
• „Јованка Орлеанка“ (англиски: Joan of Arc) — француски филм од 1999 година, во режија на Лик Бесон.^[4]
• „Јованка Орлеанка“ — драма на германскиот писател Фридрих Шилер од 1801 година.