Амерланд

Амерланд (германски: Ammerland) — округ (Landkreis) во сојузната покраина Долна Саксонија, Германија. Административното окружно седиште е во градот Вестерштеде.

Амерланд Landkreis Ammerland
округ
Грб
Земја	Германија
Покраина	Долна Саксонија
Седиште	Вестерштеде
Површина
• Вкупна	728 км2 (281 ми2)
Население (31 декември 2022)[1]
• Вкупно	128.253
• Густина	180/км2 (460/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	WST
Мреж. место	ammerland.de

Се граничи со (од исток надесно) градот Олденбург и окрузите Олденбург, Клопенбург, Лер, Фризија и Везермарш.

Географија

Амерланд има многу рамен терен, мочуришта и ветерници. Ветерниците се симбол на округот, а понекогаш дури е и нарекуван „земја на ветерниците“.

Средишниот дел на округот е Цвишенанското Езеро во близина на местото Бад Цвишенан.

Историја

Амерланд бил првпат споменат во X век. Зборот се верува дека потекнува од „Амери“, што е стар збор за „мочуриште“. Во времето на Викинзите биле изградени бројни замоци со цел заштита на имотите.

Многу години имало мал интерес во оваа мочуришна област. Во XIV век станал дел од Грофовијата Олденбург. Грофовите основале упоришта во областа, која била граница против поседите на Фризите.

Округот бил основан во 1933 година во границите на некогашната историска област.

Грб

Грбот прикажува:

• горе лево: црвени ленти од грбот на грофовите на Олденбург
• горе десно: златен крст на Грофовијата Бентинк (1733-1818 во Фарел; Вифелштеде бил дел од оваа грофовија)
• долу лево: желадот го претставува дабот во областа
• долу десно: црвените брановити линии се стар симбол на Амерланд

Градови и општини

Градовите и општините во округот Амерланд

Градови	Слободни општини
Вестерштеде	Апен Бад Цвишенан Едевехт Раштеде Вифелштеде